Türkmenistan energetika we ulag arabaglaşygyndaky ähmiýetli ornuny artdyrýar
Köpugurly hem-de görnüşli turba geçirijiler ulgamyny döretmek bilen, energiýa serişdeleriniň halkara bazarlara iberilmegi üçin täze ugurlary açýar.
Habarlar
300-den gowrak wekil "Türkmenistanyň nebiti we gazy - 2023" halkara maslahatyna gatnaşjakdygyny tassyklady
Dünýäniň 23 döwletinden 300-den gowrak wekil 28-nji "Türkmenistanyň nebiti we gazy - 2023" halkara maslahatyna we sergisine gatnaşjakdygyny tassyklady. Bu forum Aşgabat şäherinde ýene bir aýdan, ýagny 25 - 27-nji oktýabrda geçiriler.
Türkmenistan we Koreýa Respublikasy demir ýol pudagynda hyzmatdaşlygy ösdürmegi meýilleşdirýär
Gepleşiklere gatnaşyjylar demir ýol we oňa degişli desgalaryň gurluşygy, demir ýol düzümini elektrikleşdirmek we beýleki ugurlarda döwletara derejesinde we hususy kompaniýalaryň arasynda hyzmatdaşlygy ösdürmäge gyzyklanmalaryny mälim etdiler.
Türkmenistanyň we Ermenistanyň arasynda haryt dolanyşygy artýar
2022-nji ýylyň bütin dowamynda haryt dolanyşygy 2021-nji ýyldakydan 50 göterim artan bolsa, şu ýylyň ýarym ýylynda bu babatdaky ösüş ýene 5 göterim ýokarlandy.
Türkmenistan banklary Russiýa Federasiýasynda walýuta söwdasyna gatnaşyp bilýän ýurtlaryň sanawyna girdi
Russiýa Federasiýasynyň hökümeti «banklary we dellallary, Russiýanyň walýuta bazaryna, şeýle hem maliýe gurallarynyň emele gelen bazaryna söwda etmäge rugsat beriljek» 30-dan gowrak dostlukly we bitarap ýurtlaryň sanawyny tassyklady. Bu barada buýruga premýer-ministr Mihail Mişustin gol çekdi diýip, TASS Russiýanyň Ministrler kabinetiniň saýtyna salgylanýar.
Türkmenistan Hytaýa gaz eksportyny 8 aýda 5 göterim artdyrdy
Şu ýylyň ýanwar - awgust aýlarynda Türkmenistan umumy bahasy 6,63 milliard dollar bolan tebigy gazy Hytaýa iberdi. Bu geçen ýylyň degişli döwründäki görkezijiden 5 göterim köpdür.
"Eurochambres" Türkmenistanyň işewür toparlary bilen aragatnaşyk gurmaga gyzyklanma bildirýär
Ýewropanyň söwda-senagat palatalary Assosasiýasy (Eurochambres) bilen Türkmenistanyň Söwda-senagat edarasynyň arasynda hyzmatdaşlyk gurmak, işewürligi ösdürmek üçin ýöriteleşdirilen platforma döretmek mümkinçilikleri Türkmenistanyň Belgiýadaky ilçisi Sapar Pälwanow we Eurochambres-iň ýolbaşçysy Wladimir Dlouhiniň arasynda geçirilen duşuşygyň temasy boldy.
Ýewropanyň Täzeleniş we ösüş banky Türkmenistanda wençur işewürliginiň ösmegine ýardam edýär
Ýewropanyň Täzeleniş we ösüş banky Ýewropa Bilelelşiginiň maliýe ýardamy bilen Aşgabatda wençur maýa goýumlaryna bagyşlanan okuw sapaklarynyň täze tapgyryny gurady.
Gymmatly kagyzlar bazarynyň işi boýunça okuwlara seçip alyş geçirilýär
Aşgabadyň gazna biržasy “Gymmatly kagyzlar bazary we gymmatly kagyzlar bilen işlemek” ugry boýunça gysga möhletleýin okuwlara seçip alyş işini yglan edýär. Oňa soňky döwürde ýurdumyzda kemala gelýän gazna bazarynda gymmatly kagyzlaryň işi barada giňişleýin öwrenmek isleýän islendik adam gatnaşyp biler.
Halkara awtoulag gatnawlary boýunça türkmen-gazak toparynyň nobatdaky mejlisi geçirilýär
20-21-nji sentýabrda Türkmenbaşy şäherinde Halkara awtoulag gatnawlary boýunça türkmen-gazak toparynyň nobatdaky mejlisi geçirilýär.
Ulag we kommunikasiýalar agentliginiň Baş direktory Aşgabat şäherine we Balkan welaýatyna iş saparyny amala aşyrdy
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Türkmenistanyň Prezidentiniň tabşyrygy esasynda Aşgabat şäheri we Balkan welaýaty boýunça iş saparlaryny amala aşyrdy.
Noýabrda Aşgabatda Eýranyň senagat harytlarynyň sergisi geçiriler
Aşgabat şäherinde noýabr aýynda Eýranyň senagat harytlarynyň sergisi geçiriler. Bu barada Eýranyň ýurdumyzdaky ilçisi Golam Abbas Arbab Hales mälim edýär diýip, “TASS” habarlar agentligi habar berýär.
Awstriýanyň Demir ýol kompaniýasy Türkmenistana ýük daşar
Awstriýanyň Federal demir ýollarynyň ýük bölümi “Orta geçelge” ady bilen tanalýan Hazarüsti halkara ulag geçelgesi arkaly Türkmenistana, Gazagystana we Özbegistana ýük daşar. Şunda daşalýan ýüküň howpsuzlygy we ygtybarlygy doly üpjün edilip, ol 30 gün töwereginde eltiler.
“Türkmendeňizderýaýollary” agentliginde YÖB-nyň we Singapur portunyň wekilleri bilen duşuşyk geçirildi
2023-nji ýylyň 18-nji sentýabrynda “Türkmendeňizderýaýollary” agentliginde agentligiň wekilleri bilen Yslam Ösüş Bankynyň (IDB) şeýle hem, Singapur portunyň wekilleriniň arasynda duşuşyk geçirildi.
Türkmenistanyň Daşary ykdysady iş banky hem-de Arap we fransuz banklary bileleşigi täze maýa goýum mümkinçilikleri boýunça ylalaşdylar
Türkmenistanyň Döwlet daşary ykdysady iş banky we Arap we fransuz banklary bileleşigi (UBAF) bilen hyzmatdaşlyk ylalaşygyny baglaşdylar. Ol Döwlet daşary ykdysady iş bankynyň başlygy Rahimberdi Jepbarowyň Fransiýa Respublikasyna bolan iş saparynyň barşynda baglaşyldy.
