Halkara awtoulag gatnawlary boýunça türkmen-gazak toparynyň nobatdaky mejlisi geçirilýär
20-21-nji sentýabrda Türkmenbaşy şäherinde Halkara awtoulag gatnawlary boýunça türkmen-gazak toparynyň nobatdaky mejlisi geçirilýär.
Oňa «Türkmenawtoulaglary» agenliginiň başlygynyň ýolbaşçylygyndaky ýurdumyzyň wekiliýeti we Gazagystan Respublikasynyň Ulag ministrliginiň ulag komitetiniň başlygynyň ýolbaşçylygyndaky wekiliýet gatnaşýar.
Mejlisiň dowamynda, iki döwletiň arasynda awtoulag gatnawlarynyň we desgalarynyň häzirki ýagdaýlary hem-de geljekde ýük gatnawlaryny has-da artdyrmak we ösdürmek baradaky meseleler ara alnyp maslahatlaşylýar.
Duşuşykda Ýewropany Pars aýlagy ýurtlary bilen baglanyşdyrýan Gazagystan – Türkmenistan – Eýran demir ýol şahasynyň ähmiýeti we täze awtomobil ýollarynyň gurluşyklary ara alnyp maslahatlaşyldy.
ORIENT news
