Hytaýyň demirgazyk-günbataryndaky Sinszýan-Uýgur awtonom sebitindäki litiý akkumulýatorlaryny öndürýänkärhanalary Merkezi Aziýa ýurtlarynyň bazarlaryna çykmagy maksat edinýärler. Bu barada Kaşgar ykdysady ösüş zolagynyň wekili Bo Inszýan aýtdy diýip, Sinhua habarlar gullugy habar berýär.
BAE-de Türkmenistanyň Adatdan daşary we doly ygtyýarly ilçisi Serdarmämmet Garajaýew AMC Overseas halkara kompaniýasynyň direktory Suwra Çakraborti bilen duşuşdy. Baş edarasy Dubaý şäherinde ýerleşen AMC Overseas kompaniýasynyň öňümizdäki hepde Aşgabatda geçiriljek Maýa goýum maslahatyna gatnaşmagy duşuşygyň esasy meselesi boldy.
Ýewraziýa Ykdysady Bileleşigi (ÝYB) ýol ulaglary üçin birmeňzeş talaplary girizmegi maksat edinýär. Bu barada Gazagystanyň Söwda we integrasiýa ministrliginiň web sahypasynda habar berilýär.
28-nji awgustda Aziýanyň Ösüş banky hereketlendiriji güýji innowasion hususy telekeçilik bolan bäsdeşlige ukyply, diwersifisirlenen we ylmy bilimlere esaslanýan ykdysadyýete gönükdirilen Türkmenistan bilen hyzmatdaşlygynyň täze strategiýasyny işe girizdi.
Anna güni, Hökümet mejlisiniň dowamynda Döwlet Baştutany Serdar Berdimuhamedow şu ýylyň ýedi aýy boýunça Türkmenistanyň ykdysady ösüşiniň netijelerini jemläp, bellenilen möhletde ýurdumyzda bu ugurda maksatnamalaryň üstünlikli durmuşa geçirilýändigi barada nygtap geçdi.
Mary welaýatynyň Şatlyk gaz ýatagynda gaz gysyjy desgasy gurular. Bu taslama Türkiýeniň “Çalık Enerji Sanayı ve Ticaret A.Ş.” kompaniýasy tarapyndan amala aşyrylar. Anna güni Hökümet mejlisiniň dowamynda Türkmenistanyň Prezidenti “Türkmengaz” Döwlet konsernine Şatlyk-1 gaz gysyjy desgasynyň taslama, gurluşyk we enjamlaşdyrma işlerini ýerine ýetirmek üçin bu kompaniýa bilen şertnama baglaşmaga rugsat berýän Karara gol çekdi.
30-njy awgust, anna güni Aşgabatda türkmen we owgan wekiliýetleriniň duşuşygy geçirildi. Owgan tarapyna Dag-magdan senagaty we nebit işleriniň ministriniň wezipesini ýerine ýetiriji Hedaýatulla Badri ýolbaşçylyk etdi. Türkmen wekiliýeti Ministrler Kabinetiniň Başlygynyň orunbasarlaryndan we dürli ministrlikleriň ýolbaşçylaryndan ybarat boldy.
Dolulygyna Dubaý hökümetine degişli bolan “Dragon Oil” kompaniýasynyň Direktorlar geňeşiniň Başlygy Said Mohammed Al Taýýer Aşgabatda, Türkmenistanda BAE-niň daşynda bolan kompaniýanyň iň iri sebit edarasyny açdy.
«Türkmenistanyň Ulag-logistika merkezi» açyk görnüşli paýdarlar jemgyýeti deslapky maglumat-üstaşyr deklarasiýalary (DM) resmileşdirmek boýunça hyzmatlary tölegli esasda (nagt, nagt däl) ýerine ýetirýändigini habar berýär.
Aşgabatda ýangyç-energetika toplumy boýunça hyzmatdaşlygy ösdürmäge gönükdirilen Türkmenistanyň we Özbegistanyň wekilleriniň arasynda duşuşyklar geçirildi. TDH-nyň habar bermegine görä, Özbegistanyň wekiliýetine Energetika ministri Žurabek Mirzamahmudow ýolbaşçylyk etdi.
“Dragon Oil” (BAE) direktorlar Geňeşiniň başlygy Said Mohammed Al Taýýer Aşgabatda Türkmenistan bilen nebit-gaz hyzmatdaşlygyny ösdürmek meselelerini ara alyp maslahatlaşdy.
Türkmenistanyň, Gazagystanyň, Gyrgyzystanyň we Täjigistanyň gümrük gulluklarynyň zenan hünärmenleri Birleşen Milletler Guramasynyň Neşe we jenaýatçylyk baradaky Müdirliginiň Zenan torlarynyň Ählumumy Maksatnamasynyň we Bütindünýä gümrük guramasynyň “Konteýnerli daşamalara gözegçilik etmek boýunça” Ählumumy Maksatnamasynyň çäklerinde gurnalan Taýlanda sapary amala aşyrdylar.
Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygynda türkmen wekiliýetiniň Tährana amala aşyran iş saparynyň dowamynda 28-nji awgustda Türkmenistanyň Döwlet gümrük gullugynyň ýolbaşçylary Eýran Yslam Respublikasynyň Gümrük dolandyryşynyň ýolbaşçylary bilen duşuşyk geçirdiler.
Golaýda geçiriljek Türkmenistanyň maýa goýum forumy (TIF 2024) bilen bir wagtda möhüm wakany öz içine alýan çäreni ýagny Birleşen Milletler Guramasynyň we Türkmenistanyň Hökümetiniň Bilelikdäki bilermenler toparynyň mejlisini geçirmegi meýilleşdirilýär. Duşuşygyň mowzugy Türkmenistanda Durnukly ösüş maksatlaryna (DÖM) ýetmek üçin Toplumlaýyn milli maliýeleşdiriş ulgamynyň (TMMU) döredilmegi bolar. Bu çäre, esasy döwlet edaralarynyň wekillerini, halkara guramalaryny we bilermenlerini bir ýere jemläp, ýurtda Durnukly ösüş maksatlaryna netijeli ýetmegiň ýollaryny we strategiýalaryny ara alyp maslahatlaşar.
Ministrligiň habar bermegine görä, Owganystayň dag-magdan we nebit senagatynyň ministriniň wezipesini ýerine ýetiriji Hedaýatulla Badri çarşenbe güni öz ýurdunyň wekiliýetine ýolbaşçylyk edip, Türkmenistana sapar bilen geldiler.
