Ýewraziýa Ykdysady Bileleşigi ýol ulaglary üçin birmeňzeş talaplary girizer
Ýewraziýa Ykdysady Bileleşigi (ÝYB) ýol ulaglary üçin birmeňzeş talaplary girizmegi maksat edinýär. Bu barada Gazagystanyň Söwda we integrasiýa ministrliginiň web sahypasynda habar berilýär.
Bileleşigiň agza döwletleri Ýewraziýa ulag geçelgelerine girýän awtomobil ýollarda hereket edilende ulaglaryň rugsat berilýän ölçegleri baradaky Şertnama gol çekmek üçin zerur bolan döwletiň içindäki işleri tamamladylar. Resminama 2024-nji ýylyň 4-nji çärýeginde gol çekilmegi meýilleşdirilýär.
Ylalaşyk Ýewraziýa ulag geçelgeleriniň bir bölegi bolan ÝYB-ne agza döwletleriniň çäklerindäki ýollarynda hereket edýän ulaglaryň rugsat berilýän agramlar üçin birmeňzeş talaplary kesgitleýär.
Ulaglaryň agramy üçin umumy standartlar we talaplar serhet geçelgelerini ýeňilleşdirer we ulag amallarynyň howpsuzlygyny we netijeliligini ýokarlandyrar.
ORIENT news
