Ýewroparlamentiň resmi saýtynda berilýän habara görä, Ýewroparlament we EB-ne agza ýurtlar 2035-nji ýyldan başlap täze benzin we dizel awtoulaglarynyň satylmagyny düýbünden gadagan edýän kanunyň kabul edilmegi barada deslapky ylalaşyga geldiler.
Türkmenistanyň Tebigaty goramak jemgyýetiniň we BMGÖM-iň başlangyjy bilen synag taslamasynyň iki tapgyrynyň dowamynda Aşgabatda 90 tonnadan gowrak plastik galyndylar sortlaşdyryldy we gaýtadan işlenildi – diýip, BMGÖM-nyň biziň ýurdumyzdaky hemişelik wekili Narine Saakýan «Neýtralnyý Turkmenistan» gazetine beren interwýusynda gürrüň berdi.
«MIR 24» teleýaýlymynyň habar bermegine görä, Aşgabadyň haýwanat bagyndaky nil krokodiliniň jübütiniň çagasy boldy.
CNBC habar gullugynyň habar bermegine görä, Ak tamyň Ylym we tehnologiýa bölümi, Güni "garaňkylaşdyrmagyň" usullaryny öwrenmek üçin 5 ýyllyk gözleg taslamasyny meýilleşdirýär.
Ulanyşdan galdyrylan elektrik we elektron enjamlary halkara forumynyň habar bermegine görä, köp adam köne telefonlary gaýtadan işlemeýänligi sebäpli 2022-nji ýylda 5,3 milliard jübi telefony taşlanar.
Göçmek – bu ahlak hem fiziki nukdaýnazardan, dürli sebäplere görä bar bolan ýagdaýyň ýaramazlaşmagy bilen baglanyşykly örän kyn karardyr. Biziň köpümiz habarlarda ol ýa-da başga sebäplere görä daşary ýurtlara göçüp barýan adamlary görendiris. «Gowy durmuş» gözläp, gaýry ýurtlara barýanlaryň ykbaly çüwüp hem biler, ýa-da olaryň takdyry ters gelip, öňünde goýan meýilleri şowsuzlyga duçar bolup biler, bu bolsa işi ugruna bolmadyk migrantlaryň sany boýunça dünýä statistikasyna goşant bolar.
Beýik Britaniýanyň Türkmenistandaky ilçihanasy Aşgabatda ilkinji gezek “Planetany bilelikde halas ederis” atly gözleglere we öňde duran meselelere bagyşlanan howa bilen baglanyşykly ekofestiwaly gurar diýip, diplomatik wekilhananyň metbugat beýanatynda habar berilýär.
COP27-ä başlyklyk edýän Müsür 2022-nji ýylyň 6-18-nji noýabry aralygynda Müsüriň Şarm-el-Şeýh şäherinde geçiriljek Birleşen Milletler Guramasynyň howanyň üýtgemegi boýunça Maslahaty üçin ulagy aýratyn wajyp mesele hökmünde kesgitledi.
Hazaryň türkmen kenaryndaky Awaza deňiz şypahanasynyň myhmanhanalry “ýaşyl” ölçegleri ornaşdyrarlar. Munuň özi BMG-niň Ösüş maksatnamasy bilen bilelikde ýerine ýetirilýän “Durnukly şäherleriň ösüşi: Aşgabatda we Awazada ýaşyl şäherleriň ösüşi” atly taslamada göz öňünde tutuldy.
Hazar deňziniň kenarýaka ýurtlarynyň dürli ulgamlarynyň bilermenleri we hünärmenleri yzygiderli esasda bäştaraplaýyn resminamalaryň taslamalaryny işläp düzmek hem-de ylalaşmak boýunça gepleşikleri alyp barýarlar we hatda pandemiýanyň ýaýran döwründe-de bu duşuşyklar onlaýn görnüşde dowam etdirildi.
“Awaza” syýahatçylyk zolagynda şu gün, "Hazar - Dostluk we ylalaşyk deňzi" atly ylmy-amaly maslahat geçirilýär. Ol bellenilýän Halkara Hazar deňziniň gününe bagyşlanylýar.
Prezident Serdar Berdimuhamedow obasenagat toplumyna gözegçilik edýän wise-premýer Annageldi Ýazmyradowa Lebap welaýatynyň Kerki etrabynyň dolandyryş merkezinde hemişelik hereket edýän suw çeşmelerini dolandyryş merkezini döretmegi tabşyrdy.
Türkmen döwletiniň bu ägirt maksatlary Pariž ylalaşygynyň çäklerinde ýerine ýetiriljek milli ykdysadyýetiň esasy ulgamlarynda parnik gazlarynyň zyňyndylaryny azaltmak boýunça maksatnamasynda görkezildi. Resminama şy ýylyň maýynda BMG-nyň Howanyň üýtgemegi barada Çarçuwaly konwensiýasynyň Sekretariatyna ugradyldy.
IMEO Türkmenistanda işleýän kompaniýalara metanyň zyňyndylary barada hasabat boýunça standartlaşdyrylan açyk protokollary, metany dolandyrmak üçin tehniki görkezmeleri bermäge, şeýle hem gazyň zyňyndylary baradaky hasabaty gowulandyrmaga we onuň çeşmelerine has gowy gözegçilik etmäge ýardam berjek seminarlary we modullary guramaga taýýardygyny aýtdy – diýip, metanyň zyňyndylary boýunça halkara obserwatoriýanyň ýolbaşçysy (IMEO) Manfredi Kaltajirone aýtdy.
Men howa baradaky täzeliklerden başlamak isleýärin- diýip, Ýewropa Bileleşiginiň Türkmenistandaky ilçisi Diýego Ruiz Alonso şu gün Aşgabatda geçirilen “Uglewodorod serişdelerini gazyp almagyň ekologiýa ugurlary” atly halkara ylmy maslahatynda çykyş edende aýtdy.
