Türkmenistanda howanyň üýtgemegine uýgunlaşmagy meýilleşdirmek babatda pudagara özara gatnaşyklary utgaşdyrmagyň dürli görnüşleri BMGÖM-nyň ýurtdaky wekilhanasy tarapyndan geçirilen seminaryň dowamynda hödürlendi – diýip, gurama Instagramda habar berdi.
Aeronawtika we kosmos giňişligindäki barlaglar boýunça Milli müdirligiň (NASA) ylmy barlagçylary Marsyň köp böleginde şemalyň tizliginiň turbinalaryň elektrik toguny öndürmegi üçin ýeterlik güýçlidir diýen netijä geldiler – diýip, Phys.org habar berýär.
USAID guramasynyň suw serişdeleri we daşky gurşaw boýunça sebitleýin taslamasy Türkmenistanyň suw hojalygy baradaky döwlet komiteti bilen bilelikde Daşoguz welaýatyndaky Şawat kanalynyň kenarynyň ugruny berkitmek işlerini geçirýär. Munuň üçin Daşoguz şäheriniň we onuň töweregindäki ýerleriň esasy suw arteriýasy bolan kanalyň ugrundaky kenary gorajak tokaý zolaklary döredilýär.
Hazar deňziniň suw bioserişdelerini gorap saklamak we oýlanyşykly ulanmak hem-de olary bilelikde dolandyrmak boýunça Komissiýasy 2023-nji ýylda balyklaryň bekre görnüşlerini täjirçilik maksatly tutmaga gadaganlygyň uzaldylmagyny hem-de bekreleriň ätiýaçlygyny täzeden dikeltmek meselelerini ara alyp maslahatlaşýar. 2023-nji ýylda bekre balyklarynyň diňe ylmy-barlag maksady we emeli köpeltmek maksady bilen tutulmagy meýilleşdirilýär.
2030-njy ýyla çenli biodürlüligi goramagyň bütindünýä ylalaşygyna biodürlülik hakynda Konwensiýa gatnaşyjylar bilen Kanadanyň Monreal şäherinde geçen XV Maslahatyň jemleri boýunça gol çekildi– diýip, China Daily habar berýär. Ol dört ýyllap ara alyp maslahatlaşmadan soňra we iki hepde dowam eden çekeleşikli gepleşikleriň netijesinde kabul edildi.
Amerikanyň NASA kosmos agentligi hemrany uçurdy, ol garaşylyşy ýaly, Ýerdaki suw barada biziň garaýşymyzy üýtgeder.
Türkmenistanyň Döwlet energetika institutynyň «Energiýanyň dikeldilýän çeşmeleri» ylmy-önümçilik merkezi gün panelleriniň hasabyna elektrik bilen üpjün edýän 120 wattlyk LED çyralary gurak howa şertlerinde ulanmagyň ähmiýetliligini barlaýar.
Amerikanyň «Climate Compass» kompaniýasy Türkmenistan bilen tebigy gaz ýitgilerini ýüze çykarmak we azaltmak ugrunda işleşmäge gyzyklanma bildirdi. Bu ugurda hyzmatdaşlygyň mümkinçiligi Türkmen-amerikan işewürlikforumynda ara alnyp maslahatlaşyldy – diýip, ORIENT-iň habarçysy habar berýär.
Türkmenabat şäherinde Gidrometereologiýa gullugynyň Aşgabatda we ýurdumyzyň welaýatlarynda işleýän hünärmenleri, şeýle hem Türkmenistanyň Oba hojalyk we daşky gurşawy goramak ministrliginiň, BMGÖM-niň we Ýaşyl howa gaznasynyň bilermenleri praktiki okuw maslahatynda derýalaryň, kölleriň hem-de suw howdanlarynyň giňişliklerinde olaryň suwlarynyň ýagdaýyna gözegçilik etmäge hyzmat edýän gidrologiý enjamlaryny we abzallary nähili ulanmalydygyny ara alyp maslahatlaşdylar. Duşuşyk ussatlyk sapagy görnüşinde geçdi. Alnan nazaryýet bilimleri amaly ýagdaýda işlenildi, tälimçi hökmünde bolsa OTT Hydromet GmbH german kompaniýasyna wekilçilik edýän BMGÖM-den halkaara derejeli bilermen Li Gardner çykyş etdi. Ol okuw maslahatyna gatnaşajylara suwuň akyşynyň tizligini hem-de uly we kiçi derýalarda suwuň sarp edilişini ölçemek üçin häirki zaman gurallarynyň nähili işleýändigini gürrüň berdi we görkezdi. Maslahatyň okuwlary suwaryş kanalynda – Amyderýanyň suwlary bilen suwlylandyrylýan hem-de Çärjew we Dänew etraplarynyň topargyny suwarmek üçin döredilen emeli suw desgasynda geçirildi. Bu ýerde okuwa gatnaşyjylar OTT QReview programma üpjünçiliginiň kömegi bilen maglumatlary işlemek boýunça alan bilimlerini iş ýüzünde ulandylar. Bu häzirki zaman gidrologiýa abzallarynyň ulanylmagy Gidrometereologiýa gullugynyň işgärlerine gündelik görkezijileri toplamak we bu maglumatlary sanly arhiwlerde elektron görnüşde saklamak boýunça çylşyrymly işleri ep-esli ýeňilleşdirer. Türkmenabatdaky duşuşyk “Türkmenistanda uýgunlaşmagyň meýilleşdiririlmeginiň milli işiniň ösüşi” taslamasynyň çäklerinde guralyp, ol edralaryň kuwwatyny hem-de hünärmenleriň, hususan-da, Türkmenistanyň Oba hojalyk we daşky gurşawy goramak ministrliginiň ýanyndaky Gidrometereologiýa gullugynyň işgärleriniň hünär derejesini ýokarlandyrmaga gönükdirilendir. Edaranyň işgärleri milli ykdysadyýetiň oba hojalyk we suw ulgamlarynyň howanyň üýtgemegine uýganlaşmagyny meýilleşdirmek bilen meşgullanýar.
Hazar deňzi özüniň ajaýyp görnüşi bilen nobatdaky gezek Instagram ulanyjylaryny haýran galdyrdy. Aktaunyň ýaşaýjysy, Gazagystanyň tebigaty barada köpsanly wideo ýazgylaryň awtory Azamat Sarsenbaýew ýakynda ýüzüniň kä ýerleri buz bilen örtülen deňziň gözel görnüşleri düşürilen wideoýazgysyny internete ýükledi. Bu barada “Astana Times” ýekşenbe güni okyjylaryna habar berýär.
Ýabany haýwanlaryň göçýän görnüşlerini gorap saklamak oýunça Konwensiýa (Bonn konwensiýasy) we Germaniýanyň Tebigaty goramak boýunça federal agentligi Merkezi Aziýa süýdemdirijileri boýunça başlangyjyň çäklerinde pars gaplaňyny gorap saklamagyň sebitleýin strategiýasyny kabul etmek üçin onuň çäginde ýaşaýan döwletleriniň wekilleri bilen duşuşygy guramagy meýilleşdirýär.
7-nji dekabrda Monreal şäherinde BMG-niň biodürlülik baradaky 15-nji konferensiýasynyň (COP15) ikinji tapgyry boýunça duşuşyk geçirildi. Dünýäniň dürli künjeklerinden gelen ýurtlaryň hökümetleri 2030-njy ýyla çenli daşky gurşawa degişli global hereketleri alyp barjak täze maksatlar we taslamalar barada özara ylalaşmak üçin ýygnanarlar.
Argentinada 70 million ýyl mundan ozal planetamyzda ýaşan uly bolmadyk dinozawrlaryň täze görnüşleriniň galyndylaryny tapdylar. Bu barada Ylmy we tehniki gözlegleriň milli geňeşine (CONICET) salgylanyp, TASS habar berýär.
Gazagystan Hazar düwlenleriniň görnüşlerini gorap saklamak üçin döwlet ätiýaçlandyrmasyny döredýär diýip, respublikanyň ekologiýa, geologiýa we tebigy serişdeler ministri Serikkali Brekeşewiň aýdan sözlerine salgylanyp, RIA Nowosti habar berýär.
Hazar düwlenleriniň köpçülikleýin gyrylmagynyň esasy sebäpleri Hazar deňzine adam täsirleri bilen baglanyşykly bolmadyk «tebigy sebäpleriň» täsirleri hökmünde ykrar edildi. Bu barada Dagystan Respublikasynyň Tebigy baýlyklar ministrligi resmiTelegram kanalynda habar berýär.
