Ýaponiýanyň «Komatsu» buldozerleriniň ilkinji tapgyry Turkmenistana gelip gowuşdy
Türkmenistanyň Suw hojalygy baradaky döwlet komitetiniň Ýaponiýanyň «Itochu Corporation» kompaniýasy bilen baglaşan şertnamasynyň çäklerinde ýurdumyza Komatsu kysymly buldozerleriň ilkinji tapgyry gelip gowuşdy. Bu barada Türkmenistanyň döwlet telewideniýesiniň «Watan» habarlar gepleşiginde aýdyldy.
Ýurdumyza häzirki wagtda Komatsu D65EX-16 kysymly buldozerleriň 23-sinden 6-sy gelip gowuşdy. Geljekde Türkmenistana jemi 200 sany ýer gazyjy tehnika, şol sanda 167 sany ekskawator, şeýle hem olar üçin atiýaçlyk şaýlary getirilmeli.
Tehnikalar oba hojalygy üçin suw gorlary bilen üpjün etmäge, goşmaça suw ätiýaçlyklaryny döretmäge, täze suw howdanlaryny gurmaga we bar bolanlaryny giňeltmäge gönükdirilen Türkmenistanyň Suw hojalygy baradaky döwlet komitetiniň taslamalary üçin ulanylar.
ORIENT news
Surat: Altyn Asyr teleýaýlymynyňky
