Ýewropa ýerasty suwlaryň ätiýaçlygynyň kemelmegi sebäpli elhenç gurakçylygyň bäri ýanynda dur. Şu hili netijä Awstriýanyň tehniki uniwersitetiniň geodeziýa institutynyň alymlary geldiler - diýip, Focus uniwersitetiň metbugat gullugyna salgylanyp, habar berýär.
Türkmenistanyň Oba hojalyk we daşky gurşawy goramak ministrliginiň ýanyndaky Çöller, ösümlik we haýwanat dünýäsi milli instituty we USAID miweli bagçylygy we tokaýçylygy döretmegiň usullary boýunça gollanma taýýarlaýarlar – diýip, USAID tarapyndan ýaýradylan maglumatda habar berilýär.
Dawosdaky Bütindünýä ykdysady forumda çykyş etmek bilen, BMG-niň Baş Sekretary Antoniu Gutteriş dünýä liderlerini howa bilen bagly kynçylyklary äsgermezçilik etmezlige, ony ýeňip geçmek üçin berk syýasy kararlary kabul etmeklige çagyrdy – diýip, BMG-niň täzelikler gullugy habar berýär.
«Irkutsk oblastynyň ösüş korporasiýasy» taslamasy we CRRC korporasiýasynyň Çunsin wekilhanasy «Çunsin Mamont Brend-Menejment» bilen bilelikde elektrobuslaryň umumy russiýa-hytaý önümçiligini döretmekligi meýilleşdirýärler – diýip, «Izwestiýa» habar berýär.
2023-nji ýylda Türkmenistanyň «Ekologik audit hakynda» kanunyna täze kanunçylyk namasy giriziler, ol Türkmenistandaky ekologik auditorlary bahalandyrmagyň we sertifikatlaşdyrmagyň tapgyrlaýyn tertibini kesgitlär.
2022-nji ýylda awtomobilleriň bütin dünýä boýunça satylyşy Hytaýda we Ýewropada olara bolan islegiň artmagy sebäpli ep-esli ýokarlandy. Geçen ýyl bilen deňeşdirilende, doly elektrikleşdirilen ulaglaryň satuwy 69% artdy we 7,8 mln-a deň boldy – diýip, Interfax halkara seljerme beriji kompaniýalaryň maglumatlaryna salgylanyp, habar berýär.
Ýer planetasynyň ozon gatlagy bellenilen meýilnama görä barýar – BMG-niň goldamagynda Ýeriň ozon gatlagyny goramak baradaky Bütindünýä ylalaşygyň ozony ýok edýän jisimler boýunça Monreal Teswirnamasynyň ylmy bahalandyrmasy boýunça işleýän bilermenler topary şeýle netijä geldiler – diýip, unep.org. habar berýär.
11-nji ýanwardan RF-de sürüjilere awtoulagdan, ýük awtoulagyndan, tirkegli ulagdan ýanýoda ýa-da tokaýda zir-zibili zyňandyklary üçin jerime ýazlyp başlanar. Düzgün administratiw hukuk bozmalar hakynda kodekse girizilen üýtgetmelere laýyklykda güýje girýär diýip, “Kommersant” ýazýar.
Şu ýylyň fewral aýynda MS Teams platformasynda onlaýn görnüşde geçiriljek “Türkmenistanyň şertlerinde öndümli döwrebap almaly baglygy döretmegiň aýratynlyklary” atly okuw maslahatynda almaly bagçylygy nähili ösdürip ýetişdirmelidigi hem-de bereketli hasyly nähili almalydygy barada gürrüň beriler. Forum USAID-iň Merkezi Aziýada söwda boýunça maksatnamasynyň çäklerinde guralar.
Angliýada daşky gurşawyň hapalanmagyny azaltmak üçin plastmassa tabaklar we çemçe-çarşaklar ýaly bir gezeklik plastik önümler gadagan ediler.
Pariž ylalaşygynyň şertleriniň gyşarnyksyz ýerine ýetirilmegi 2100-nji ýyla çenli buzluklaryň diňe 50% halas edip biler, ýöne şertnama häzirkisi ýaly äsgermezlik edilse, bu görkeziji 32% bolar – diýip, The Guardian alymlaryň ylmy barlaglaryna salgylanyp ýazýar.
Tagamlaryň howa taýdan bitarap taýýarlanyş usullary bolan «Adamlar we planetalar üçin» atly täze kitap çap edildi (For People and Planet). Neşir meşhur baş aşpezler Manal Al-Alem we Hose Andres tarapyndan bütin dünýäniň kulinarlary we fermerleri bilen bilelikde taýýarlandy.
Şweýsariýadaky Alp daglarynyň eňňitlerinde dünýäde howanyň maýlamagy sebäpli emele gelen temperaturanyň derejesiniň ýokary galmagynyň netijesinde garlar ereýär. Öňler gar basýan dag gerişleri edil tomusdaky ýaly ýaşyl öwsüp dur – diýip, Şweýsariýanyň MeteoSuisse howa gullugy habar berýär.
Energetika ugry boýunça ýöriteleşýän bütin dünýädäki ýaş žurnalistler 2023-nji ýylyň 28-29-njy martynda Germaniýanyň paýtagtynda geçjek global “Energetika geçişi baradaky Berlin dialogyna” (BETD23) gatnaşyp bilerler. Bu barada Germaniýa Federatiw Respublikasynyň Türkmenistandaky ilçihanasy habar berýär.
Dünýä ýüzünde bolup geçýän global maýlama we Ýerde howanyň üýtgemegi 2010-nji ýyla çenli Antarktidada janly organizmleriň ýok bolmagyna getirmegi mümkin. Iň gowşak görnüşleriň hataryna – imperator pingwinleri hem girýär - diýlip, PLO Biology žurnalynda çap edilen ylmy-barlagda nygtalýar.
