Türkmenistanda howanyň üýtgemegine uýgunlaşma babatynda öňdebaryjy tejribäni ara alyp maslahatlaşýarlar
Howanyň üýtgemegine uýgunlaşma boýunça çäreleriň meýilleşdirilmegi ugrundaky öňdebaryjy tejribe şu gün Türkmenistanda gibrid formatynda başlanan seminaryň baş temasy boldy.
Çäre BMGÖM-nyň «Türkmenistanda uýgunlaşmany meýilleşdirmegiň milli prosesiniň ösüşi» atly we Migrasiýa baradaky halkara guramasynyň «Migrasiýanyň, daşky gurşawyň we howanyň üýtgemeginiň howanyň üýtgemegi bilen bagly milli meýilnamalar bilen özara baglanyşygy» taslamasynyň çäklerinde guraldy.
Seminar Türkmenistanda uýgunlaşma prosesslerini meýilnamalaşdyrmak, ýerine ýetirmek, monitoring we pudaklaýyn syýasatlara, maksatnamalara we strategiýalara baha bermegi girizmek işinde howanyň üýtgemegine uýgunlaşmak barada habardarlygy ýokarlandyrmak boýunça okuw kurslarynyň tapgyrynyň ikinjisidir.
Iki günüň dowamynda gatnaşyjylar halkara bilermenler we ugurdaş hünärmenler bilen howanyň üýtgemegine uýgunlaşmagyň tejribesi we institusional jähtlerini ara alyp maslahatlaşarlar, Merkezi Aziýadaky howanyň üýtgemegine uýgunlaşmak boýunça sebitleýin strategiýany gözden geçirerler. Wena uniwersitetiniň ylmy işgäri Hereld Sterli ilatyň ykjamlylygynyň meselelerini milli uýgunlaşma meýilnamalaryna birikdirmek barada gürrüň berer.
ORIENT habarlar
