Belarus Respublikasy şu ýylyň 4 – 14-nji awgusty aralygynda geçiriljek Garaşsyz Döwletleriň Arkalaşygy ýurtlaryň II oýunlaryna taýýarlyk görýär. Ýurduň Gomel şäherindäki kärhanalar oýunlara bagyşlanan brend önümlerini öndürýärler diýip, “BelTA” habarlara agentligi mälim edýär.
Türkmenistanyň DIM-niň wekilleri, daşky gurşawy goramak, maliýe, ykdysadyýet, babatyndaky, statistika edaralarynyň we beýleki ugurlaryň hünärmenleri BMG-nyň Azyk we oba hojalyk guramasy (FAO) bilen ýerden we suwdan netijeli peýdalanmak boýunça taslamalaryň ýerine ýetirilmegini ara alyp maslahatlaşdylar.
Türkmenistanyň Azerbaýjandaky ilçisi Gurbanmämet Elýasow respublikadaky kiçi we orta biznes Agentliginiň müdiriýetiniň başlygy Orhan Mamedow bilen iki döwletiň işewür toparlarynyň arasyndaky hyzmatdaşlygy giňeltmegiň gelejegini ara alyp maslahatlaşdy – diýip, Azertaž habar berýär.
Türkmenistanyň Singapurdaky täze ilçisi Begenç Durdyýew respublikanyň prezidenti Halima Ýakob bilen iki döwletiň arasyndaky hyzmatdaşlygy ara alyp maslahatlaşdy. Bu barada Koreýa Respublikasyndaky türkmen diplomatiki wekilhaansy habar berýär.
Türkiýede her ýylda geçirilýän aerokosmiki we tehnologiki innowasiýalaryň dünýä festiwaly Teknofest startaplaryň bäsleşigine gatnaşmak üçin ýüz tutmalaryň möhletiniň uzaldylýandygyny yglan etdi. Indi ýüz tutmalar 2023-nji ýylyň 31-nji iýulyna çenli kabul edilýär. Bu barada ORIENT-e Türkiýäniň Aşgabatdaky ilçihanasynyň medeniýet we syýahatçylyk Bölüminde habar berdiler. Möhletiň uzaldylmagy dürli ýurtlardan işläp düzüjileriň topary tarapyndan bäsleşige uly gyzyklanma bildirilmegi bilen baglanyşyklydyr.
Microsoft kompaniýasy tarapyndan işlenip düzülen ChatGPT emeli intellektini maliýe bazarynda üýtgemeleri çaklamak üçin ulanyp başladyar. Golaýda EI Polkadot kriptowalýutasynyň häzirki bahasynyň $5 bolanlygyndan 2024-nji ýylyň ahyryna çenli bahasynyň $250 çenli artjakdygyny öňünden aýtdy.
Aşgabatda BMG-nyň «Merkezi Aziýa üçin terrorçylyga garşy babatda öňünden habardar etmegiň tory» atly çäre boldy. Bu barada Garaşsyz Döwletleriň Arkalaşygynyň Ýerine ýetiriji komitetiniň saýtynda habar berilýär.
BMG mümkin, "dünýäniň iň iri haýal hereketli bombasyny" zyýansyzlandyrmak boýunça işe girişdi. Bu barada guramanyň Baş sekretary sişenbe güni Ýemeniň kenaryndaky Gyzyl deňizde FSO tankerinden million barrel nebitiň başga bir gämä geçirilmegi boýunça çylşyrymly deňiz halas ediş işleriniň başlanandygyny habar berdi.
Owganystanyň Söwda we senagat ministrligi Owganystandan ABŞ-a ilkinji gezek nar şiresi içgiler tapgyrynyň eksport edilendigini habar berdi. Içgiler Hyratdaky kompaniýa tarapyndan öndürilendir.
Türkmenistanyň Merkezi saýlaw topary 23-nji iýul, ýekşenbe güni Arkadag etrabynyň Aba Annaew şäherçesiniň Geňeş agzalarynyň saýlawlary barada maglumatlary çap etdi.
Parižiň şäher häkimiýeti 100 ýyllyk arakesmeden soň Senada suwa düşmäge rugsat bermegi göz öňünde tutýar. Fransuz paýtagtynyň meri Ann Idalgo 2025-nji ýylda şäherde Senada suwa düşmek üçin üç zolagyň açyljakdygyny tassyklady. Derýada arassalaýyş işleri tamamlanandan soň, şäher derýasynda ýüzüş 2024-nji ýylyň Olimpiýa oýunlarynyň esasy üstünliklerinden biri bolar. “Le Parisien” gazetiniň berýän habaryna görä, Oýunlaryň maksatnamasyna laýyklykda, paýtagt derýasynda olimpiýa we paralimpiýa ýaryşlarynyň üçüsini - triatlon, marafon ýüzüşi we paratriatlon geçirmek meýilleşdirilýär.
Türkmenistandaky USAID-iň «Merkezi Aziýada Howpsuzlyk Maksatnamasy» BMG-nyň Neşelere we jenaýata garşy göreş bölümi we Türkmenistanyň Zenanlar birleşigi bilen bilelikde Aşgabatda ýaş türkmen maşgalalary üçin sagdyn maşgala gatnaşyklaryny ösdürmek, neşe serişdeleriniň ulanylmagynyň öňüni almak, sagdyn gatnaşyklary ösdürmek we adam söwdasynyň töwekgelçiliginiň öňüni almak boýunça iki günlük okuw gurady.
«Türkmenfilm» birleşigi 25-29-njy awgustda Sankt-Peterburgda geçiriljek Russiýanyň we ýakyn goňşy ýurtlarynyň täze kino festiwalyna (Lendoc Film Festival) gatnaşar. Maglumat türkmen kinostudiýasynyň wekilleri tarapyndan ORIENT-iň habarçysyna tassyklandy.
Türkmenistan bilen Germaniýanyň arasyndaky ykdysady hyzmatdaşlygyň geljegi sişenbe güni Aşgabatda Türkmenistanyň Daşary işler ministri Raşid Meredow bilen Germaniýanyň Ykdysadyýetiniň Gündogar komitetiniň baş müdiri Maýkl Harmsyň duşuşygynda ara alnyp maslahatlaşyldy. Nemes myhmany sapar bilen türkmen paýtagtyna geldi diýip, Türkmenistanyň Daşary işler ministrliginiň metbugat beýanatynda aýdylýar.
1-nji awgustdan “Türkmenpoçta” poçta aragatnaşyk kärhanasy özüniň ähli nokatlarynda “Älem TV” hemra teleýaýlymynyň kartlaryny satyp başlar. “Älem TV” operatory Ýewropanyň, Aziýanyň, Russiýanyň, Türkiýäniň, Özbegistanyň we Hindistanyň 230-dan gowrak teleýaýlymyny hemra aragatnaşygy arkaly görkezýär. Hemra aragatnaşygy arkaly teleýaýlymy bökdençsiz we ýokary hilli görmek isleýänler öňümizdäki aýdan operatoryň degişli kartlaryny “Türkmenpoçtanyň” ähli nokatlaryndan satyn alyp bilerler.
