Türkmenistan we Germaniýa «ýaşyl» tehnologiýalary hyzmatdaşlygyň geljegi uly ugry diýip atlandyrdylar
Iýul 25, 2023 | 20:38 |8588
Türkmenistan bilen Germaniýanyň arasyndaky ykdysady hyzmatdaşlygyň geljegi sişenbe güni Aşgabatda Türkmenistanyň Daşary işler ministri Raşid Meredow bilen Germaniýanyň Ykdysadyýetiniň Gündogar komitetiniň baş müdiri Maýkl Harmsyň duşuşygynda ara alnyp maslahatlaşyldy. Nemes myhmany sapar bilen türkmen paýtagtyna geldi diýip, Türkmenistanyň Daşary işler ministrliginiň metbugat beýanatynda aýdylýar.
Taraplar söwda we ykdysady hyzmatdaşlygyň ösüşiniň oňyn depginini bellediler. Ikitaraplaýyn hyzmatdaşlygyň ileri tutulýan ugurlaryny ösdürmegiň geljegi barada durup geçen Raşid Meredow, «ýaşyl» tehnologiýalar, senagat hyzmatdaşlygy, energetika, oba hojalygy we suw dolandyryşy, şeýle hem bilim pudagyndaky hyzmatdaşlyga ünsi çekdi.
ORIENT news
