Täze türkmen ilçisi Singapuryň prezidenti bilen iki ýurduň hyzmatdaşlygyny ara alyp maslahatlaşdy
Türkmenistanyň Singapurdaky täze ilçisi Begenç Durdyýew respublikanyň prezidenti Halima Ýakob bilen iki döwletiň arasyndaky hyzmatdaşlygy ara alyp maslahatlaşdy. Bu barada Koreýa Respublikasyndaky türkmen diplomatiki wekilhaansy habar berýär.
Türkmen diplomaty singapur döwletiniň baştutany bilen duşuşykda Türkmenistanyň ýurtlaryň arasyndaky hyzmatdaşlygy ösdürmäge, şol sanda syýasy-diplomatiki, ýangyç-energetika, ulag-logistika, nebit-himiýa, lukmançylyk we beýleki ugurlarda hyzmatdaşlygy ödürmäge ýokary gyzyklanma bildirýändigini belledi.
«Akylly» tehnologiýalaryň we döwrebap infrastrukturanyň ösdürilmegi aýratyn gyzyklanma döredýär, olar Türkmenistan tarapyndan milli we halkara gerimde iri taslamalar görnüşinde işjeň öňe sürülýär. Diplomatiki wekilhananyň baştutany bilen söhbetdeşligiň barşynda prezident Halima Ýakob ony jogapkärli wezipä bellenmegi bilen gutlady we Türkmenistanyň ýolbaşçylaryna ikitaraplaýyn hyzmatdaşlygy pugtalandyrmakdaky işjeň goşandy üçin iň gowy arzuwlaryny aýtdy.
ORIENT habarlar
