Aşgabatda ýaş maşgalalar üçin sagdyn gatnaşyklar we howpsuz migrasiýa boýunça okuw geçirilýär
Türkmenistandaky USAID-iň «Merkezi Aziýada Howpsuzlyk Maksatnamasy» BMG-nyň Neşelere we jenaýata garşy göreş bölümi we Türkmenistanyň Zenanlar birleşigi bilen bilelikde Aşgabatda ýaş türkmen maşgalalary üçin sagdyn maşgala gatnaşyklaryny ösdürmek, neşe serişdeleriniň ulanylmagynyň öňüni almak, sagdyn gatnaşyklary ösdürmek we adam söwdasynyň töwekgelçiliginiň öňüni almak boýunça iki günlük okuw gurady.
Türkmenistan Zenanlar birleşiginiň mejlisler zalynda 25-nji iýulda başlanan bu çärä 120 adam, şol sanda ýaş jübütler, şeýle hem USAID-iň, UNODC-yň, jemgyýetçilik guramalarynyň we bilim edaralarynyň wekilleri gatnaşdy.
Okuwyň ilkinji güni maşgala gymmatlyklaryna, adam söwdasynyň öňüni almaga bagyşlandy. Mugallymlar gatnaşyjylara maşgala durmuşyny üstünlikli başlamak, şeýle hem maşgala dawalaryny çözmek, çagalary terbiýelemek, erbet endikleri ýok etmek we maşgala gatnaşyklaryny berkitmek üçin zerur endikleri öwretdiler.
Çykyş edenler, şeýle hem bu mesele ýüze çykanda degişli edaralara ýüz tutmagyň mehanizmlerini göz öňünde tutup, adam söwdasyna garşy göreşiň kanuny taraplaryna ünsi çekdiler.
Ikinji gün, aragatnaşyk endikleri, maşgala býujetiniň esaslary barada çykyşlar bolar. Gatnaşyjylary onlaýn howpsuzlyk ýörelgeleri we sosial ulgamlarda psihologiki zorlugyň (gorkuzmagyň) howplary bilen tanyşdyrylar.
Iki gün dowam etjek seminaryň esasy maksady, neşekeşligiň we adam söwdasynyň töwekgelçilikleri barada halka habarlylygy ýokarlandyrmak bolup durýar.
ORIENT news
