“South China Morning Post” gazetiniň berýän habaryna görä, Hytaýyň alymlary Aýda, asteroidlerde, Marsda we Gün ulgamynyň beýleki obýektlerinde suw buzlaryny we mineral baýlyklary gözlemek, çykarmak we ulanmak üçin ýol kartasyny çap etdiler.
Türkmenistanyň Ylymlar akademiýasynyň Tehnologiýalar merkeziniň energiýa önümçiligi we üpjünçiligi laboratoriýasynyň müdiri, tehniki ylymlaryň kandidaty Meretmuhammet Hudaýberdiýew işdäaçar taýýarlanylanda gerek bolan azyk önümleri öý şertlerinde toprak ulanmazdan ýetişdirmegiň usulyny hödürleýär. Bu usulda kokos gabygynyň süýümleri peýdalanylýar.
“Dunaýdan Orhuna çenli Ýüpek ýoly” ýeňil awtoulaglaryň ilkinji rallisine gatnaşyjylar Tükmenistana geldiler. Olary ýurduň resmi adamlary garşyladylar we paýtagtymyzyň gözel ýerlerine aýlandylar diýip, “Mir” teleýaýlymy habar berýär.
Şu ýylyň brinji ýarymynda Türkmenistan Ýewropa Bileleşiginiň ýurtlaryndan 7,64 million ýewrolyk mineral serişdeleri import etdi. Bu geçen ýylyň degişli döwründe 5,11 million ýewro barabar bolupdy. Bu barada Ýewropanyň Statistika býurosy habar berýär.
Türkmenistanyň Maliýe we ykdysadyýet ministrligi döwlet eýeçiligine degişli 48 desganyň hususy taraplara bäsleşik esasynda satylýandygyny mälim edýär. Bu boýunça degişli bildiriş resmi metbugatda şu gün çap edildi.
Adybir kompaniýa “Samsung Food” hyzmatyny dünýä möçberinde ulanyşa goýberýändigini mälim etdi. Ol emeli intellekte esaslanyp, tagamlary we nygmatlary nähili taýýarlamalydygyny öwredýän hyzmatdyr. Oňa şu gün türkmen milli tagamy – işlekliniň taýýarlanyşy hem girizildi.
Rim papasy Fransisk şu günler Mongoliýada saparda bolýar. Bu Mongoliýa sapar bilen baran ilkimji Rim papasydygy bilen hem taryhy wakadyr. Sebäbi, ýurduň ilatynyň aglabasy buddizme uýup, bu ýerde katolikeriň bary-ýogy 1400 sanysy bar.
Şu ýyl, Türkiýe Respublikasynyň ýüz ýyllygynda dünýäniň iň uly awiasiýa, kosmonawtika we tehnologiýa festiwaly TEKNOFEST - 2023 bir wagtyň özünde üç şäherde - Stambulda, Izmirde we Türkiýäniň paýtagtynda geçirildi.
Milli jemgyýetçilik birleşigi “Türkmenistanyň ykdysatçylar birleşmesi” we Döwrebap hünär endiklerini ösdürmek boýunça USAID taslamasy bilelikde “Startap-ekoulgam - 2023” maksatnamasynyň amala aşyrylmagyna başlaýar. “Startap-ekoulgam - 2023” maksatnamasynyň maksady Türkmenistanda startaplaryň işewür-inkubasiýasy we akselerasiýasy (täze amala aşyrylan innowasion işewür-ideýalar) boýunça hyzmatlaryň bazaryny ösdürmek bolup durýar, bu bolsa, ýaşlaryň telekeçiligini ösdürmek üçin we täze iş ýerlerini döretmek üçin şertleriň gowulanmagyna getirer.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow şenbe güni Ahal welaýatynyň Bäherden etrabynda ýerleşýän “Arçman” şypahanasyna baryp, bu ýerde alnyp barylýan işler we durky täzelenjek desgalaryň meýilnamalary bilen tanyşdy. Soňra bolsa, degişli ýolbaşçylaryň gatnaşmagynda iş maslahatyny geçirdi. Geçirilen bu iş saparyň ýazgysy “Watan” habarlar gepleşiginde görkezildi.
Ýagşygeldi Kakaýew adyndaky Halkara nebit we gaz uniwersiteti inžener-tehniki ugurly hünärmenleri taýýarlamak işini kämilleşdirmek meselelerine bagyşlanan ylmy-amaly maslahatyň geçirilen ýerine öwrüldi.
Türkmenistanyň we Täjigistanyň Daşary işler ministrlikleriniň ýolbaşçylary ýakyn wagtda boljak ýokary derejedäki saparlary guramak barada telefon arkaly maslahatlaşdylar. Hususan-da, Türkmenistanyň Daşary işler ministri Raşid Meredow we täjigistanly kärdeşi Sirojiddin Muhriddin Merkezi Aziýa ýurtlarynyň döwlet Baştutanlarynyň Konsultatiw duşuşygynyň çägindäki daşary işler ministrleriniň ýygnagyna, taýýarlyk görlüşi barada pikir alyşdylar. Bu ýokary derejeli sammit indiki hepde, 14-nji we 15-nji sentýabrda Duşanbe şäherinde geçiriler.
“Emirates” awiakompaniýasy Dubaý şäheriniň howa menzilinde ýolagçylary hasaba almak işini çaltlandyrmak üçin 200 sany “köp dil bilýän” robotlary işe girizmegi meýilleşdirýär. Bällnişi ýaly, Dubaýyň Halkara howa menzili dünýäniň iň köp gelim-gidimli aeroportlarynyň biridir.
Pişikler we olaryň eýeleri üçin deňiz gezelençleri ilkinji gezek Singapuryň “Tall Ship Adventures” kompaniýasy tarapyndan ýola goýuldy. Eýeleri we murtly öý haýwanlary ajaýyp peýzaža, feýerwerklere haýran galmak we wagtlaryny hoş geçirmek üçin iki sagatlyk ýüzüşe gidip bilerler.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli umumy sapak geçdi.
