Türkmen döwlet binagärlik we gurluşyk institutynyň 18 ýaşly birinji synp talyby Wepaly Halynyýazow 1-nji oktýabrdan 6-njy oktýabr aralygynda Aşgabatda geçirilen wagt gözegçiligi klassiki düzgüni bilen Türkmenistanyň Küşt federasiýasynyň kubogynyň eýesi boldy.
Türkmenistanly mekdep okuwçylary Moskwanyň döwlet halkara gatnaşyklary institutynda geçirilýän "MGIMO-nyň halkara mekdep olimpiadasy" atly daşary ýurtly okuwçylaryň arasynda geçirilýän ýaryşda gatnaşyp, bu abraýly ýokary okuw mekdebinde tölegsiz esasda bilim almaga mümkinçilik alyp bilerler. 10-11 synp mekdep okuwçylary bäsleşige gatnaşmak üçin şu salgy arkaly özlerini hasaba aldyryp bilerler.
TDH agentliginiň berýän habaryna görä, Türkmenistanyň Prezidenti Serdar Berdimuhamedow Russiýa Federasiýasynyň Prezidenti Wladimir Putin bilen telefon arkaly söhbetdeşlik geçirdi.
2027-nji ýyl Garaşsyz Döwletler Arkalaşygynda Hukuk biliminiň ýyly bolar. Belarus Respublikasynyň Ýustitsiýa ministrliginiň degişli başlangyjy GDA-nyň Ýerine ýetiriji komitetindäki GDA gatnaşyjy döwletleriň hemişelik ygtyýarly wekilleriniň Geňeşiniň agzalary tarapyndan bir agyzdan goldanyldy. Geňeşiň mejlisi Minsk şäherinde geçirildi.
Daşoguz şäherinde oba zenanlary üçin goşmaça girdeji çeşmeleriniň mümkinçilikleri boýunça okuw maslahaty geçirildi. Bu çärä “Köp bähbitleri almak üçin Aral deňziniň basseýninde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak” atly taslamanyň çäklerinde guraldy. Bu başlangyç Türkmenistanyň Daşky gurşawy garamak ministrligi hem-de BMG-niň Ösüş maksatnamasy tarapyndan bilelikde durmuşa geçirilýär.
“Aşgabat şäher telefon ulgamy” ýapyk görnüşli paýdarlar jemgyýeti internet hyzmatlaryna birikmegiň tizliginiň ýokarlandyrylandygyny we bu hyzmatlara hereket edýän bahalaryň peseldilendigini ýene-de bir gezek ýatladýar.
Halk Maslahatynyň mejlisi tamamlanandan soňra, Türkmenistanyň köp edaralarynda halk häkimýetiniň ýokary wekilçilik edarasynyň ikinji mejlisiniň netijeleri boýunça forumlar, ýygnaklar we tegelek stollar geçirilýär.
Yragyň we Türkmenistanyň resmi wekilleri gaz import etmek boýunça şertnamany baglaşmak boýunça meseleleri Bagdat şäherinde maslahatlaşdylar. Bu şertnamany baglaşmak hakynda ylalaşyga awgust aýynda Aşgabatda geçirilen gepleşikleriň barşynda gelnipdi. Bu barada Yragyň resmi habarlar agentligi mälim edýär.
Türkmenistanyň Brýusseldäki ilçisi Sapar Pälwanow Belgiýanyň Wekiller palatasynyň deputaty, “Belgiýa-Türkmenistan” parlamentara dostluk toparynyň ýolbaşçysy Tim Wandenput bilen duşuşdy.
6-njy oktýabrda - Hatyra gününde Türkmenistanda 1948-nji ýylyň ýer titremesinde we Watan üçin ähli söweşlerde wepat bolan gahrymanlaryň hatyralanýan günüdir.
Şu ýylyň dokuz aýyndaky edilen işleriň netijeleri barada Türkmenistanyň Hökümetiniň nobatdaky mejlisinde premýer-ministriň orunbasary Batyr Amanow Prezident Serdar Berdimuhamedowa gözegçilik edýän nebitgaz pudagynyň işiniň netijeleri barada hasabat berdi.
Şu ýylyň ýanwar-sentýabr aýlarynda Türkmenistanyň Ministrler Kabinetiniň ýanyndaky Ulag we kommunikasiýalar agentligi tarapyndan ýerine ýetirilen işleriň we hyzmatlaryň ösüş depgini 123,3% boldy.
Türkmen "Altyn Asyr" futbol kluby, AFK-2023 kubogynyň toparlaýyn tapgyrynyň ikinji tapgyr oýnunda Täjigistanyň "Rawşan"-y bilen 1:1 hasabynda deňme-deň oýnady. Duşuşyk 16 müň janköýeriň gatnaşmagynda Aşgabat stadionynda geçdi.
Prezident Serdar Berdimuhamedow Halkara sergiler býurosynyň Baş sekretary Dimitri Kerkentzesi kabul etdi.
Üç sany meşhur türkmen kompozitorynyň döredijiligine bagyşlanan “Gündogar sazlary” atly konsert 24-nji oktýabrda Moskwada “kwartirnik” (adaty öýde erkin ýagdaýda geçirilýän - konsert) görnüşinde geçiriler. Agşamky konsert programmasynda köpmilletli akademiki sazçylykda baý miras galdyran we ýurdy şöhratlandyran Nury Halmamedowyň we Orazmuhamet Gurbannyýazowyň tanyş we köp halanýan eserleri ýaňlanar.
