«Türkmenhowaýollary» ýitirilen wagtyň öwezini dolýar
Şu ýylyň ýanwar-sentýabr aýlarynda Türkmenistanyň Ministrler Kabinetiniň ýanyndaky Ulag we kommunikasiýalar agentligi tarapyndan ýerine ýetirilen işleriň we hyzmatlaryň ösüş depgini 123,3% boldy.
Ulag we kommunikasiýalar agentliginiň Baş direktory Mämmethan Çakyýew penşenbe güni geçirilen Hökümet mejlisinde Prezident Serdar Berdimuhamedowa hasabat berdi.
Hususan-da, ulaglaryň ähli görnüşleri üçin ýolagçy gatnawynyň ösüş depgini 105,2%, ýük daşamak has hem ýokary - 105,9% boldy.
Pandemiýa ýyllarynda işini bes eden “Türkmenhowaýollary” häzirki wagtda ýitirilen bu wagtyň öwezini dolýar - bu pudakda hyzmatlaryň ösüş depgini görlüp-eşidilmedik derejä ýetip, 226,2% boldy.
Ulag we kommunikasiýalar toplumynyň galan agentlikleri bu kategoriýada görkezijileri birneme pesiräk bolsa-da, şol bir wagtyň özünde öwgä hem mynasypdyrlar: “Türkmenawtoulaglary” agentliginiň işgärleri - 118,4%, “Türkmenaragatnaşyk” agentliginiň işgärleri - 111,6%, “Türkmendemirýollary” agentliginiň işgärleri - 108,4% “Türkmendeňizderýaýollary” agentliginiň işgärleri - 107,1%.
ORIENT news
