Daşoguzda oba zenanlary üçin goşmaça girdeji çeşmelerini ara alyp maslahatlaşdylar
Daşoguz şäherinde oba zenanlary üçin goşmaça girdeji çeşmeleriniň mümkinçilikleri boýunça okuw maslahaty geçirildi. Bu çärä “Köp bähbitleri almak üçin Aral deňziniň basseýninde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak” atly taslamanyň çäklerinde guraldy. Bu başlangyç Türkmenistanyň Daşky gurşawy garamak ministrligi hem-de BMG-niň Ösüş maksatnamasy tarapyndan bilelikde durmuşa geçirilýär.
Iki günlük okuw maslahatyna Senagatçylar we telekeçiler birleşmesiniň, Türkmen döwlet oba hojalyk institutynyň, jemgyýetçilik guramalaryň wekilleri, şeýle hem Ruhubelent we Saparmyrat Türkmenbaşy adyndaky etraplaryň ýaşaýjylary gatnaşdylar.
Okuw maslahatyna gatnaşyjylar ýüňe gaýtadan işlemek we ondan dürli önümleri taýýarlamak, şol sanda suw serişdelerini az mukdarda ulanmak bilen çig maly ýuwmak babatda öňdebaryjy tehnologiýalary bilen tanyşdylar.
Okuw maslahatynyň dowamynda ýüň matalary taýýarlamak işine aýratyn üns berildi, çünki bu matalar palto we beýleki gyş egin-eşikleriniň önümçiliginde giňden ulanylýan esasy çig mal bolup durýar.
ORIENT news
