Türkmenistanyň Söwda-senagat edarasynyň sergi zalynda Eýran Yslam Respublikasynyň Ýöriteleşdirilen ykdysady sergisi açyldy, oňa eýran kompaniýalarynyň we döwlet edaralarynyň onlarçasy gatnaşýar.
Ýokary tizlikli demir ýol ugurlarynyň we awtoulag magistrallarynyň gurluşygy boýunça tejribe alyşmak Türkmenistanyň Italiýadaky ilçisi Toýly Kömekowyň Italiýanyň Infrastruktura we ulag ministriniň geňeşçisi Jowanni Donata bilen duşuşygynyň barşynda ara alnyp maslahatlaşyldy. Bu barada türkmen diplomatik wekilhanasynyň metbugat gullugynda habar berilýär.
Türkiýäniň prezidenti Rejep Taýyp Ärdogan güýçli ýer titremelerinden ejir çeken ýurduna kömek eden ähli ýurtlara minnetdarlyk bildirdi – diýip, Anadolu agentligi habar berýär.
Türkmenistanyň ýaşaýjylary geçen hepde Türkiýäniň günorta-gündogarynda weýrançylykly ýer titremede ejir çekenlere ynsanperwerlik kömegini ýygnamak boýunça çärä gatnaşdylar – diýip, ORIENT-iň habarçysy habar berýär.
Mary welaýatynyň taryhy we ülkäni öwreniş muzeýinde Magtymguly adyndaky Ýaşlar guramasynyň welaýat komitetiniň muzeý işgärleri bilen bilelikde gurnan sergisi geçirildi. Sergi Türkmenistanda şu ýylyň "Arkadag Serdarly bagtyýar ýaşlar" atly şygaryna bagyşlanýar we taryhy gymmatlyk bolan arheologik tapyndylary, arhiw resminamalaryny we suratlaryny, şeýle hem ýurduň häzirkizaman üstünliklerini, şol sanda maryly türgenleriň sport äleminde ýeten sepgitlerini öz üçine alýar.
Şu gün hormatly Prezidentimiz Serdar Berdimuhamedowyň tabşyrygy boýunça Mejlisiň Başlygy G.Mämmedowa Kuba Respublikasynyň Türkmenistandaky Adatdan daşary we Doly ygtyýarly ilçisi Karlos Enrike Waldes de la Konsepsýondan ynanç hatyny kabul etdi. Döwlet Baştutanymyzyň adyndan milli parlamentiň ýolbaşçysy ilçini jogapkärli diplomatik wezipä bellenilmegi bilen gutlap, oňa iki ýurduň arasynda dostlugy we netijeli hyzmatdaşlygy pugtalandyrmak işinde uly üstünlikleri arzuw etdi.
Mongol telekeçileri 28-30-njy noýabrda Aşgabatda geçiriljek "Agro-Pack Türkmenistan-2023" Halkara sergisine gatnaşmaga çakylyk aldylar.
Şu gün, 14-nji fewralda Türkmenistanyň Daşary işler ministrliginde Şwesiýanyň, Kubanyň we Mongoliýanyň täze ilçileri bilen duşuşyklar geçirildi. Diplomatlary Daşary işler ministriniň orunbasary Wepa Hajyýew kabul etdi, ilçiler tarapyndan oňa ynanç hatlary gowşuryldy.
Sişenbe güni Türkmenistanyň daşary işler ministri Raşid Meredow Eýranyň medeniýet we uslam ugurdaşlygy ministri Mohammad Mahdi Esmaili bilen duşuşdy.
Şu gün hormatly Prezidentimiz Serdar Berdimuhamedowyň tabşyrygy boýunça Mejlisiň Başlygy G.Mämmedowa Çehiýa Respublikasynyň Türkmenistandaky Adatdan daşary we Doly ygtyýarly ilçisi Waslaw Ýilegden ynanç hatyny kabul etdi.
Türkmenistanyň Mejlisiniň deputatlarynyň saýlawlaryndaky GDA-nyň synçylarynyň işine GDA-nyň Baş sekretary Sergeý Lebedew ýolbaşçylyk eder. Onuň kandidaturasy Arkalaşygyň agza döwletleriniň hemişelik doly ygtyýarly wekilleriniň Geňeşi tarapyndan tassyklandy. Bu barada GDA Ýerine ýetiriji komitetiniň internet sahypasynda habar berilýär.
Türkmenistandan Türkiýede bolup geçen ýertitremesinden ejir çekenlere ynsanperwer ýükli üçünji uçar ugraýar. Bu barada Türkiýäniň Aşgabatdaky wiza merkezinde guralan haýyr-sahawat çäresinde Türkiýäniň Aşgabatdaky ilçisi Togan Oral aýtdy.
Türkmenistanly sportuň erkin göreş boýunça ussatlary 11-12-nji fewralda Bakuda A.Azizowyň ýagty ýadygärligine bagyşlanyp geçirilen göreş boýunça açyk halkara ýaryşynda 11 medala mynasyp boldular.
Türkmenistanyň Hökümeti we BAE döwleti ösdürmek we kämilleşdirmek babatynda tejribe alşarlar. Özara düşünişmek baradaky degişli ähtnama Türkmenistanyň daşary işler ministri Raşid Meredowyň we BAE-niň Ministrler Kabinetiniň işi boýunça ministri Mohammad Abdulla Al Gergawiniň duşuşyklaynyň netijesinde gol çekildi .
Gyrgyzystan-Özbegistan-Türkmenistan-Russiýa ugry boýunça ugurlary amatlylaşdyrmak we söwdany ösdürmek üçin Gyrgyzystan goşmaça ugruň üstünde işleýär. Bu barada Respublikanyň ykdysadyýet ministrligine we ulag ministrligine salgylanyp, Ýewraziýanyň Ritmi portaly habar berýär.
