Aşgabatdaky sergide häzirki zaman eýran awtoulaglary görkezildi
Türkmenistanyň Söwda-senagat edarasynyň sergi zalynda Eýran Yslam Respublikasynyň Ýöriteleşdirilen ykdysady sergisi açyldy, oňa eýran kompaniýalarynyň we döwlet edaralarynyň onlarçasy gatnaşýar.
Görkezilişde ünsüňi çekýän birinji zat – eýran awtoulag senagatynyň nusgalary. EYR-da öndürilen Iran Khodro kompaniýasynyň alty sany häzirki zaman awtoulagy sergi zalynda ýerleşýär we gelip görýänlerde aýratyn gyzyklanma döredýär – diýip, ORIENT-iň habarçysy habar berýär.
Awtoulagy halaýanlar we ýerli kompaniýalar şeýle hem goňşy ýurtda öndürilen awtoulaglaryň ätiýaçlyk şaýlary we sarp ediji materiallary bilen höwes bilen tanyşýarlar.
Türkmenistanyň we Eýranyň ÝET-da hyzmatdaşlygy ösdürmek üçin gowy mümkinçilikleri bardyr. Bu ugurda üstünlikli özara hyzmatdaşlyga mysal edip tebigy gazyň Azerbaýjana swoplaýyn iberilmegini görkezmek bolar. Şu günki sergide EYR-nyň energetika edaralarynyň mümkinçilikleri görkezilýär, bu bolsa ýurduň bu ugurda hyzmatdaşlygy mundan beýläk-de ösdürmeklige taýýardygyny görkezýär.
ORIENT habarlar
