Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
||
29-njy noýabrda Aşgabatda Startup Academy maksatnamasynyň jemleýji çäresi — Demo Day geçiriler. Bu çäre bilim, tehnologiýa, maliýe we gündelik durmuş ugurlaryny üýtgetmäge taýýarlanan innowasion taslamalary ýaş telekeçiler tarapyndan görkeziljek esasy meýdança bolar.
Startup Academy — döredijileri ilkinji ideýadan we çaklamadan taýýar önüm (MVP), marketing strategiýasy we maliýe modeline çenli alyp barýan intensiw maksatnamasydyr. Akademiýa gatnaşyjylara degişli gurşawy, bilimleri, bilermenleriň hem-de mentorlaryň goldawyny berýär.
Demo Day diňe bir prezentasiýa däl. Bu täze taslamalaryň dünýä inýändigine şaýat bolmak we telekeçilik jemgyýetçiliginiň gurşawyny duýmak mümkinçiligidir.
Çäre 29-njy noýabrda sagat 14:00-da «Iş nokady» maslahatlar zalynda («Arkaç» işewürlik merkezi, 2-nji gat) geçiriler.
Meýdançada ýaş esaslandyryjylar, maýadarlar, mentorlar we bilermenler ýygnanşarlar. Tomaşçylara dürli ugurlardan taslamalar garaşýar.
Çärä gatnaşmak ýurdumyzyň tehnologiýalarynyň geljegi bilen gyzyklanýan ähli adamlar üçin gymmatly maglumatlary we mümkinçilikleri berýär:
Innowasiýalar: Türkmenistanda haýsy täze tehnologiýa çözgütleriniň we innowasiýalaryň peýda bolýandygyny ilkinji bolup bilersiňiz.
Networking: Taslamalaryň işjeň döredijileri we maýadarlary bilen tanyşmak üçin ajaýyp mümkinçilik.
Ylham: Bu çäre höweslendirýär we ösüp barýan telekeçilik jemgyýetçiliginiň bir bölegi bolmaga mümkinçilik döredýär.
Demo Day iň gowy ideýalaryň ýazgy görnüşinden hakykatdan hem işleýän taslamalara öwrülýän, geljegi emele getirýän pursatdyr.
ORIENT
