12-nji maýda Arkadag şäherinde Aziýanyň Futbol konfederasiýasynyň (AFK) Çagyryş ligasynda taryhy ýeňşi mynasybetli “Arkadag” futbol toparynyň hormatyna uly dabaraly çäreler geçirildi. Topar 2024-2025-nji ýyllaryň möwsüminiň Kambojada geçirilen final oýnunda ýeňiji bolup, bu abraýly derejä eýe boldy.

Şatlyk we buýsanç duýgusy bilen doldurylan dabara ajaýyp “Akhan” binasynyň öňündäki ýaýbaňlandyrylan aýdym-sazly çykyşlar bilen başlandy. Şol ýerden ýeňiji toparyň baýramçylyk ýörişi başlandy. Toparyň futbolçylary Akhan, Aba Annaýew hem-de Kärizek şaýollarynyň ugry bilen Arkadag şäheriniň 10 müň orunlyk häzirki zaman köp ugurly stadionyna tarap ugradylar. Olaryň geçýän ýollarynyň ugrunda belentden ýaňlanýan aýdym-sazlar, şeýle hem türgenleriň görkezme çykyşlary “Arkadag” toparynyň taryhy ýeňşiniň waspyny ýetirdi. Arkadag şäheriniň köp sanly ýaşaýjylary, janköýerler şatlyk-şowhun bilen çempionlary garşyladylar.

Toparyň ýeňşiniň hormatyna gurnalan esasy dabara stadionyň öňündäki meýdançada geçirildi. “Arkadag” futbol klubunyň ýolbaşçysy Arslanmyrat Amanow çykyş edip, sportuň ösmegi üçin döredilen hemmetaraplaýyn goldaw we şertler üçin ýurduň ýolbaşçylyklaryna çuňňur minnetdarlyk bildirdi. Bu taryhy günde, ol Arkadag şäheriniň häkimine ýörite haýyş bilen ýüzlendi: toparyň Kuboga we pul baýragyna mynasyp bolandygyny göz öňünde tutup, klubyň türgenleri, tälimçileri we hünärmenleri ýaryşda gazanylan pul baýragyny hemaýata mätäç çagalara kömek bermek maksady bilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna geçirilmegini soradylar. Bu asylly hereket, türkmen türgenleriniň ýokary ahlak ýörelgeleriniň ýene bir subutnamasy boldy.

Arkadag şährindäki dabarada futbolçylarynyň abraýly halkara ýaryşda çempion bolmagy bilen gazanan AFK-nyň Çagyryş ligasynyň Kubogyny şäheriniň häkimligine uly hormat bilen gowşuryldy.

Soňra bu çäre baýrak gowşurylyş dabarasy bilen dowam etdi. Mejlisiň Başlygy Dünýägözel Gulmanowa Türkmenistanyň Prezidenti tarapyndan gol çekilen Buýrugy okady. Resminama laýyklykda “Arkadag” toparynyň tälimçileri we türgenleri ajaýyp üstünlikleri üçin dabaraly ýagdaýda pul baýragy bilen sylaglanyldy. Muňa jogap edip, klubyň ýolbaşçylary we oýunçylary türkmen halkynyň Milli Liderine we Türkmenistanyň Prezidente türgenleşmek we we halkara gatnaşmak üçin döredilen bahasyna ýetip bolmajak goldaw we ajaýyp şertler üçin tüýs ýürekden minnetdarlyk bildirdiler.

“Arkadag” toparynyň ýeňşiniň hormatyna geçirilen dabara belent ruha beslenen medeni maksatnama bilen tamamlandy. Aýdym-sazlarda bedew bady bilen ynamly öňe barýan ýurdumyzyň ösüşleri, milli sportumyzyň üstünlikleriniň waspy öz beýanyny tapdy.

ORIENT