Sişenbe güni Günorta Koreýanyň günbataryndaky Çhunçhon-Hamdo welaýatynyň Sanmun uniwersitetiniň şäherçesindäki halkara mejlisler binasynda "Chungnam-Central Asia innowasion zehinleri ösdürmek boýunça sebitleýin taslama" badalga aldy. Ylalaşyga gol çekişlik dabarasyna ýerli häkimýetler, uniwersitetler we senagat kompaniýalary, Merkezi Aziýanyň bäş ýurdunyň ilçihanalarynyň wekilleri gatnaşdylar.
Daşkent şu günler uly döredijilik meýdançasyna öwrüldi - 22-nji maýdan 28-nji maý aralygynda bu ýerde "Ýewraziýa" Halkara teatr sungaty festiwaly geçirilýär. Azerbaýjandan, Belarusdan, Gruziýadan, Gazagystandan, Gyrgyzystandan, Russiýadan, Türkmenistandan, Täjigistandan, Türkiýeden we Özbegistandan gelen döredijilik toparlary öz sungat başarnyklaryny özbek halkyna hödürlärler.
Russiýa Federasiýasynyň iki uniwersiteti – Mendeleýew adyndaky Russiýanyň himiýa tehnologiýasy uniwersiteti Dulati adyndaky Taraz Sebit uniwersiteti bilen bilelikde Almaty şäherinde ulgamlaýyn bilim şäherçesini açýar we bu ýerde himiýa pudagy boýunça hünärmenler taýýarlanar. Bu barada Russiýa Federasiýasynyň Bilim we ylym ministrliginiň saýtynda habar berilýär.
Russiýanyň Halkara olimpiýa uniwersiteti (RIOU) türkmenistanly ýaşlary stipendiýa meýilnamasy boýunça okamaga çagyrýar. Bäsleşigiň ýeňijileri 2023-2024-nji okuw ýylynda “Sport dolandyryş ussady” kursyny geçerler.
ABŞ-nyň Russiýadaky ilçisi Linn Treýsi Türkmenistanyň Merkezi Aziýada parahatçylygy we durnuklylygy saklamakda we Owganystandaky ýagdaýy kadalaşdyrmakda edýän tagallalaryna ýokary baha berdi. Bu barada ol Türkmenistanyň RF-daky diplomatik wekilhanasynyň baştutany Batyr Nyýazlyýew bilen duşuşygynda aýtdy.
Dragon 2 kosmos gämisi taryhda ilkinji arap kosmonawt-zenany bilen 16 sagatlyk ýoldan soňra Halkara kosmos stansiýasyna (HKS) bardy.
Sianda HHR-nyň, Türkmenistanyň, Gazagystanyň, Gyrgyzystanyň, Täjigistanyň we Özbegistanyň döwlet baştutanlarynyň taryhy sammitinden birnäçe gün soňra, habarlar agentlikleriniň ýolbaşçylarynyň «Hytaý-Merkezi Aziýa» Forumy 23-nji maýda Pekinde bolup geçdi.
Gizchina portalynyň redaksiýasy 2023-nji ýylda satyn alyp boljak 10 iň gowy býujet (gymmat bolmadyk) smartfonlaryň sanawyny düzdi.
Merkezi Aziýa ýurtlary üçin «Döwrebaplaşdyrylan güýje barýan ýoluň ösüş kody - döwrüň häsiýetli aýratynlyklary we Si Szinpiniň ykdysadyýet baradaky pikirleriniň amaly gymmaty» çykyşynyň tanyşdyrylyşy, «Hytaý-MA» habarlar agentlikleriniň ýolbaşçylarynyň Forumynyň çäginde sişenbe güni, 23-nji maýda Pekinde geçirildi.
Duşenbe güni, 22-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,2 mln amerikan dollaryna we 275 müň türkmen manadyna deň bolan 7 geleşik baglaşyldy – diýip, ORIENT-iň habarçysy habar berýär.
Türkmenistanyň Halk Maslahatynyň başlygy Gurbanguly Berdimuhamedow «Ömrümiň manysynyň dowamaty» atly täze kitabyny ýazyp, tamamlap gelýändigi barada Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň ikinji mejlisiniň barşynda habar berdi – diýip, TDH habar berýär.
Hytaýda 5-nji Halkara çaý sergisi tamamlandy – diýip, China Daily habar berýär. Bu Hançžoudaky Halkara sergi merkezinde her ýylda iki gezek geçirilýän çaý senagatynyň öňdebaryjy we iri gerimli sergileriniň biridir.
Ýakyn wagtda Arkadag şäherinde Çagalar sagaldyş-dikeldiş merkezi açylar – diýip, Türkmenistanyň Halk Maslahatynyň Başlygy Gurbanguly Berdimuhamedow Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň ikinji mejlisiniň barşynda habar berdi.
Aşgabadyň Büzmeýin etrabynda Şäheriň gününiň öňüsyrasynda iki sany köp öýli ýaşaýyş jaýlarynyň ulanylyşa bermek dabarasy boldy – diýip, «Neýtralnyý Turkmenistan» gazeti habar berýär.
Google amerikan kompaniýasy startaplar üçin saglygy goraýyş babatynda AI for Health emeli intellektiň (EI) şahsy programmasyny hödürledi, ol bütin dünýäde lukmançylyk hyzmatynyň edilişini gowulandyrmaga niýetlenendir.
