Tokaýew: Merkezi Aziýanyň halkara arenadaky abraýy barha artýar
Germaniýanyň Prezidenti Frank-Walter Ştaýnmaýer bilen geçirilen duşuşykda Gazagystan Respublikasynyň Prezidenti Kasym-Žomart Tokaýew Merkezi Aziýanyň halkara arendaky abraýynyň barha artýandygyny belledi. Bu barada Gazagystan Respublikasynyň Prezidentiniň metbugat gullugy habar berýär.
Duşuşykda şeýle hem gazak Lideri Ýewropa Bileleşiginiň we Gazagystanyň söwda-ykdysady gatnaşyklarynyň möhüm ähmiýetini belledi. Mälim edilişine görä, Ýewropa Bileleşigi Gazagystanyň iň iri söwda hyzmatdaşy bolup, özara gatnaşyklary mundan beýläk-de pugtalandyrmak maksady bilen degişli edaralar bilen iş alnyp barlar.
Germaniýanyň Prezidentiniň Gazagystana saparynyň barşynda jemi 7 döwletara resminamasyna gol çekildi. Şolaryň hatarynda durnukly inženerçilik boýunça gazak-german institutyny, “Siemens” kompaniýasynyň sebit önümçilik merkezini döretmek ylalaşyklary bar.
ORIENT news
