Türkmenistanyň Saglygy goraýyş we derman senagaty ministrliginiň arassaçylyk-keselleriň öňüni alyş gullugynyň we bejeriş-öňüni alyş edaralarynyň hünärmenleri lukmançylyk-arassaçylyk işlerinden galan galyndylary dolandyrmak boýunça okuw geçdiler.
Türkmen kikboksçylary Türkiýede tamamlanan dünýä Kubogynda dokuz medal — bir altyn, iki kümüş we alty bürünç medal gazandylar.
Türkmenistanyň Söwda-senagat edarasynyň başlygy Döwletgeldi Rejepow Gyrgyzystanyň Aşgabatdaky ilçisi Azizbek Madmarow bilen duşuşdy.
«Türkmenpoçta» poçta aragatnaşyk kompaniýasynyň Postshop Postshop söwda onlaýn-platformasy harytlaryň çapar arkaly Türkmenistanyň islendik nokadyna tiz eltilip berilmegini hödürleýär.
BMG-niň Adam hukuklary boýunça Ýokary komissarlygyň Merkezi Aziýa boýunça müdirligi türkmen ýaşlarynyň adam hukuklary babatynda bilimlerini giňeltmäge gönükdirilen okuwy geçirdi.
Buharestde Türkmenistanyň Medeniýet günleri açyldy, ony geçirmek üçin düzüminde medeniýet ministrliginiň we onuň pudaklaýyn edaralarynyň wekillerinden, şeýle hem sungat ussatlaryndan, meşhur aýdym-saz toparlaryndan ybarat bolan uly türkmen wekiliýeti Rumyniýa geldi.
Awstriýa auksion kompaniýasynyň "Ajaýyp gadymy gündogar halylary-XXXIII" nobatdaky auksiony 10-njy iýunda Wenada geçiriler. Auksionda gadymy türkmen, kawkaz, anadoly, pars, hytaý halylary we başga-da 165 haly önümi bar.
Russiýanyň premýer-ministri Mihail Mişustin duşenbe güni Şanhaýa bardy. Bu, onuň Russiýa Federasiýasynyň premýer-ministri hökmünde Hytaýa ilkinji resmi saparydyr, - diýip TASS habar berýär.
Pagta ideg etmek, bugdaý hasylyna taýýarlyk görmek, beýleki ekinleri ösdürip ýetişdirmek, pile öndürmek, şeýle hem welaýatlardaky esasy täze binalaryň ýagdaýy Prezidentimiz Serdar Berdimuhamedowyň welaýat dolandyryş ýolbaşçylary bilen geçirilen iş maslahatynyň esasy mowzuklary boldy.
Mejlisiň Başlygy Dünýägözel Gulmanowa duşenbe güni Kipr Respublikasynyň Türkmenistandaky ilçisi Kipros Ýorgallisden (esasy iş edarasy Moskwada ýerleşýär) ynanç hatyny kabul etdi.
Adaty gül festiwaly şu ýyl Namangan şäherinde 62-nji gezek açyldy. Hoşboý ysly we owadanlygy boýunça ajaýyp baýramçylyk täze güller bilen bezelen ulaglaryň gatnaşan awtomobil korteži bilen başlandy. 200- den gowrak awtoulag - seýrek modeller, retro stilindäki awtoulaglar, häzirki zaman jipler, ýük awtoulaglary, gurluşyk we hatda kombaýnlar welaýat merkeziniň köçelerinden geçdiler. Olar, dürli görnüşli geň nagyşlary we bezegleri döreden 30 müňden gowrak täze güller bilen bezelipdir, - diýip «Dunýo» habarlar agentligi habar berýär.
25-nji maýdan 28-nji maý aralygynda Özbegistanda Rally Muynak halkara ekstremal awtoulag ýaryşy, şeýle hem elektron saz reýwleri geçer. Podrobno.uz agentliginiň habar bermegine görä, 425 kilometrlik ýaryş ýoly Garagalpagystanyň Muynak etrabyndan geçýär, bu aralygyň köp bölegi - Aral deňziniň gury düýbüniň we Üstyurt düzlüginiň üstünden geçýär.
Tomus, gidýän baharyň «ökjesine basyp» has ynamly öwrümleri we derejeleri eýeleýär. Bu hepde howa maglumaty, termometriň +39 ýokarlanjakdygyny we Mary welaýatynda şeýle boljakdygyny habar berýär. Dynç günleri yssy + 36°C-e düşer.
Gruzin-türkmen dostluk toparynyň başlygy Dawid Matikaşwiliniň ýolbaşçylygyndaky Gruziýanyň parlament wekiliýeti Aşgadaba iş saparyny amala aşyrýar.
Duşenbe güni Beýik Britaniýanyň täze ilçisi Stiwen Konlon Türkmen Daşary işler ministrligine öz şahsyýetnamalarynyň nusgalaryny gowşurdy. Duşuşyk Daşary işler ministriniň wezipesini wagtlaýyn ýerine ýetiriji Wepa Hajyýew tarapyndan geçirilip, ol iňlis diplomatyny wezipä bellenilmegi bilen gutlady we türkmen tarapynyň ilçihananyň işine ýardam hem-de goldaw bermäge taýýardygyny aýtdy.
