Türkmenistanly işewürler Hindistanda geçiriljek “India Medtech Expo 2023” halkara sergisine gatnaşmaga çagyrylýar. Bu barada Türkmenistanyň Senagatçylar we telekeçiler birleşmesi habar berýär.
Türkmenistanyň Döwlet gümrük we serhet gulluklarynyň hünärmenleri serhetýaka gözegçilik-geçiriş ýerlerinde ulaglary barlagdan geçirmek boýunça tejribelerini artdyrýarlar.
BMG-niň Çagalar gaznasynyň Türkmenistandaky wekilhanasy ilatyň adatdan daşary ýagdaýlara taýýarlyk derejesini güýçlendirmäge degişli çäreleriň birnäçesini geçirdi. Gurama ýörite taslamanyň çäklerinde bu çäreleri Türkmenistanyň Goranmak ministrligi, Bilim ministrligi, Gyzyl Ýarym Aý milli jemgyýeti bilen hyzmatdaşlykda guraýar.
Türkmenistandaky “Jümle Travel” syýahatçylyk kompaniýasy Fransiýanyň “Saberatours” kompaniýasy we Gazagystanyň “Тумар-Транс” kompaniýasy bilen hyzmatdaşlyk etmek hakynda ylalaşyklary baglaşdy.
Türkmenistanyň wekiliýeti Merkezi Aziýa ýurtlarynyň beýleki wekilleri bilen bir hatarda Gruziýanyň kazyýet edaralarynyň işjeňligi bilen tanyşdylar.
Ýaponiýanyň Halkara hyzmatdaşlyk agentliginiň (JICA) geňeşçisi Ýumi Mizumori Türkmenistana sapar bilen geldi. Ýapon žurnalistiniň saparynyň maksady syýahatçylyk pudagynda özara hyzmatdaşlygy ýola goýmakdan ybaratdyr diýip, Türkmenistanyň Ýaponiýadaky diplomatik wekilhanasy habar berýär.
Türkmenistan ykdysady, sosial we medeni hukuklar baradaky Halkara paktynyň ýerine ýetirilmegi boýunça üçünji doklady taýýarlaýar.
“Honor” kompaniýasy öz hytaý bazarynda iň inçe eplenýän el telefonyny tanyşdyrdy. “Magic V2” diýlip atlandyrylýan bu smartfonyň galyňlygy 1 santimetrdir.
13-nji iýulda Astana şäherinde işe başlan Howpsuzlyk we hyzmatdaşlyk boýunça Merkezi Aziýa forumynyň ilkinji gününde bilermenler görlüp-eşidilmedik geosyýasy dartgynlyk, howanyň üýtgemegi we suw krizisi döwründe hyzmatdaşlygy güýçlendirmegiň ýollaryna, şeýle hem terrorçylyga garşy göreş boýunça tagallalara we halkara guramalaryň özgertmelerine garadylar.
Kataryň Energetika meseleleri boýunça döwlet ministri we Qatar Energy kompaniýasynyň Baş müdiri Saad bin Şerida Al Kaabi Kanadada suwuklandyrylan tebigy gaz (STG) boýunça geçirilen 20-nji Halkara maslahatynda 2029-njy ýyla çenli bazara çykjak täze STG-niň umumy möçberiniň 40%-niň öz kompaniýasy tarapyndan üpjün ediljekdigini habar berdi.
“Maksada okgunly” hususy kärhanasy hindi towugynyň etinden çipsileri öndürmegi meýilleşdirýär. Bu barada hususy kärhananyň ýolbaşçysy Maksat Ibragimow “Нейтральный Туркменистан” gazetine beren beýanatynda mälim edýär.
Saud Arabystany 19-njy iýulda Jidda şäherinde Aýlag we Merkezi Aziýa ýurtlarynyň Hyzmatdaşlyk geňeşiniň sammitini geçirer.
Tehnika dünýäsi kompaniýasy Bosch kompaniýasynyň Türkmenistandaky resmi distribýutory boldy we Elektronika dünýäsi we «Berkarar» SDAM-däki Samsung dükanlarynda bu brendiň öý hojalyk tehnikalarynyň giň görnüşini müşderilere amatly bahalardan hödürleýär.
Yragyň premýer-ministri Mohammed Şia Al-Sudani, energetika pudagynda Yrak resmileri bilen bolan duşuşygynda, elektrik stansiýalaryna zerur ýangyç bermekde kynçylyk çekýänligi sebäpli, gaz importyna çözgütleri tapmagy tabşyrdy. Bu barada IraqiNews.com premýer-ministriň kanselýariýasynyň çap eden beýanyna salgylanyp habar berdi.
"Türkmenistanda öndürildi" diýlip belgilenen azyk önümleri 12-nji iýulda Türkiýäniň Stambul şäherinde açylan F-Istanbul Food and Beverage Fair Halkara azyk sergisinde görkezilýär. Şu ýyl Stambul sergi merkezi 96-dan gowrak ýurtdan, şol sanda Türkmenistandan müňe golaý brendi birleşdirdi – diýlip, serginiň guramaçylarynyň saýtynda habar berilýär.
