Kazanyň aeroportynda uçuş wagtyna çenli dynç almak üçin futurist kapsulalar peýda boldy
Kazan şäheriniň Halkara howa menzilinde ýolagçylaryň dynç almagy üçin futurist äheňinde bezelen şahsy kapsula otaglary peýda boldy. Olar ýolagçylara uçuş wagtyna çenli rahat we oňaýly dynç almagyna şert döreder.
Eger-de saý-sebäp bilen uçaryň uçuş wagty gijikdirilse, ýolagçy garaşmak we dynç almak üçin 7 (977) 493-28-35 belgisine jaň etmek arkaly öňünden dynç alyş kapsulany öňünden bronlap ýa-da Kazanyň howa menziliniň “Air Lounge” ýazgyly ýerine barmak arkaly kapsulalary kireýine alyp bilerler. Bu barada howa menzili habar berýär.
“Türkmenistan” awiakompaniýasy hem Aşgabatdan Kazanyň Halkara howa menziline we yzyna hepdede 4 gün ýolagçy uçar gatnawlaryny amala aşyrýar. Ýakynda, türkmen paýtagtyndan Moskwa uçýan ýolagçy uçarlary hem käbir ýagdaýlar sebäpli barmaly nokadyny Kazanyň Halkara howa menziline gönükdirdiler. Şeýlelikde, Kazanyň Halkara howa menziline baran we ol ýerden Watanymyza dolanýan türkmenistanlylar futurist äheňdäki kapsula otaglaryny kireýine alyp bilerler.
ORIENT news
