Hytaýyň Hançžou şäherinde 23-nji sentýabrdan 8-nji oktýabr aralygynda geçirilýän tomusky XIХ Aziýa oýunlarynda sebitiň dürli ýurtlaryndan türgenler gatnaşýar. Şeýle hem oýunlarda dzýudo çykyşlaryna baha berýän Türkmenistanly kazy işleýär.
Penşenbe güni, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow iki günlük iş sapary bilen Berline ugrady. Gitmezden öň Halk Maslahatynyň Başlygy ýurdumyzyň ýolbaşçylary bilen iş maslahatyny geçirdi.
Penşenbe güni Halkara ahalteke atçylyk sport toplumynda Türkmenistanyň Garaşsyzlygynyň 32 ýyllygyna bagyşlanan at çapyşyklary geçirildi. Bu çärä Prezident Serdar Berdimuhamedow hem gatnaşdy, onuň adyndan iň gowy çapyksuwarlar we atlar ugrundaky ýaryşda ýeňiji bolmak üçin esasy baýrak bellendi.
Russiýa Federasiýasynyň Baştutany Rustam Minnihanow Türkmenistanda “Aurus” kysymly awtoulaglaryň peýda bolup biljekdigini mälim etdi.
Halkara saz günine bagyşlanan klassiki konsert 29-njy sentýabrda Aşgabatda, Maýa Kulyýewa adyndaky Türkmen milli konserwatoriýasynyň uly zalynda geçiriler. Adaty agşamyň guramaçysy hökmünde, TMK-nyň kamera ansamblynyň bölümi çykyş edýär. Her ýyl 1-nji oktýabrda bütin dünýäde bellenilýän baýramçylygyň öňüsyrasynda ýurduň iň ýokary saz bilim edarasynyň sazandalary ajaýyp we ýatdan çykmajak çykyşlary hödürleýärler.
«Kazanda Gündogar bazary» – Russiýada türki dünýäsiniň dürli künjeklerinden estrada aýdymçylarynyň gatnaşmagynda geçirilýän ýeke-täk uly saz festiwalydyr. Şu ýyl 21-nji oktýabrdan 27-nji oktýabr aralygynda Tatarstanyň paýtagtynda geçiriljek gündogar reňkli özboluşly tomaşa 25 ýurtdan - Merkezi we Gündogar Aziýadan, Iordaniýadan, Yrakdan, Palestinden, Birleşen Arap Emirliklerinden, Hytaýdan, Wengriýadan we beýleki ýurtlardan meşhur artistler gelerler.
Türkmenistanyň Döwlet gümrük gullugynyň başlygy Aşgabada sapar bilen gelen Bütindünýä gümrük guramasynyň Baş sekretary Kunio Mikuriýa bilen duşuşdy.
Halkara ynsanperwer ylymlary we ösüş uniwersiteti Türkmenistanyň Bilim ministrliginiň goldawy bilen her ýyl guraýan talyp olimpiadalaryna gatnaşjaklary hasaba alyp başlady.
Az bolsun, köp bolsun, göwrümi uly ýa kiçi bolsun, tapawudy ýok, Türkmenistanyň islendik künjeginden ýüki tiz we amatly ugratmak üçin “Türkmenpoçta” poçta aragatnaşyk kärhanasynyň islendik ýük bölümine ýüz tutmak ýeterlik. Bu bölümler ýurdumyzyň islendik welaýatynda demir ýol menzillerinde bar.
Türkmenistanly ýokary synp mekdep okuwçylary "FLEX" okuw maksatnamasy esasynda 2024 - 2024-nji okuw ýylynda Amerikanyň Birleşen Ştatlarynda okamaga çagyrylýar. Olar bir ýylyň dowamynda amerikan mekdeplerinde okarlar we amerikan maşgalalarynda hem ýaşarlar.
Türkmenistanyň Stambul şäherindäki Baş konsullygynyň guramagynda Garaşsyzlygyň 32 ýyllygyna bagyşlanan "tegelek stol" maslahaty geçirildi. Oňa Stambulda bilim alýan türkmen talyplary, ýaşaýjylary, kompaniýalaryň we köpçülikleýin habar beriş serişdeleriniň wekilleri gatnaşdylar.
Halkara ynsanperwer ylymlary we ösüş uniwersiteti “Times Higher Education” guramasynyň geljek ýyl üçin düzen “The Impact Rankings 2024” jemleýji reýtinginiň sanawyna girdi.
Hytaýyň Hançžou şäherinde geçirilýän XIX Tomusky Aziýa oýunlarynda türkmen boksçysy Baýramdurdy Nurmuhammedow ilkinji ýeňşini baýram etdi.
Russiýanyň Astrahan oblastynyň gubernatory Türkmenistana saparynyň dowamynda Aşgabatdaky A.S.Puşkin adyndaky bilelikdäki türkmen-rus mekdebine nusgawy we häzirki zaman rus ýazyjylarynyň kitaplaryny sowgat etdi.
Bilelikdäki kärhana elktrik we gibrid görnüşli awtoulaglary öndürer. Olaryň önümçiliginde kompanýa tarapyndan energiýanyň täzeden işlenen görnüşlerini ulanmak maksat edilýär. Kärhananyň gurluşygynyň birinji we ikinji tapgyrlarynda 50 müň awtoulag, üçünji tapgyrda bolsa 300 müň awtoulag öndürmek meýilleşdirilýär.
