Owganystanyň Senagat we söwda ministrliginiň wekili ýurduň Türkiýedäki biznes attaşesi hökmünde bellendi. Häzirki wagtda Owganystanyň Pakistanda, Eýranda, Türkmenistanda we Türkiýede biznes attaşeleri bar diýip, "TOLO" habarlar agentligi mälim edýär.
"Soýuzmultfilm" kinostudiýasy "KB Prodakşn" işläp taýýarlaýjy kompaniýasy bilen "Prostokwaşino: supermarket" atly öwrediji oýny döretdiler. Onda adybir multfilmiň gahrymanlary Fýodor Daýy, Matroskin, Şarik we beýlekiler çagalara matematikany we hasaplamany öwredýär.
Oňa Merkezi Aziýa döwletleriniň diplomatik wekilhanalarynyň ýolbaşçylary we işgärleri, şeýle hem bu ýurtlaryň we Koreýa Respublikasynyň syýahatçylyk pudagynyň wekilleri gatnaşdylar.
11 – 17-nji sentýabrda Gazagystanyň Şymkent şäherinde 12 ýaşa çenli çagalaryň arasynda tennis boýunça toparlaýyn Aziýa çempionatynyň jemleýji tapgyry geçirilýär. Oňa şu ýylyň iýun aýynda Aşgabatda geçirilen saýlama tapgyrda tapawutlanan ýurdumyzyň oglan ýetginjekleri hem gatnaşýar.
Türkmenistanyň futbol boýunça Olimpiýa topary, “K” toparyndaky Olimpiýa toparlarynyň arasynda Aziýa-2024 kubogynyň saýlama tapgyrynyň soňky oýnunda Indoneziýa toparyna ýeňilip, Aziýa-2024 çempionatyna gatnaşmak üçin saýlama çykyşlaryny tamamlady.
Koreýa Respublikasynyň Bilim ministrliginiň ýanyndaky Halkara bilim milli instituty, döwlet talyp hakly maksatnamasyna arzalaryň kabul edilýändigini habar berýär. Dalaşgärler goşulan resminamalary: gollanma we arzany ýükläp alyp, ilçihana arzalary berip bilerler.
Duşanbe şäherinde Merkezi Aziýa ýurtlaryndan medeniýet we sungat ussatlarynyň konserti bolar. Türkmen artistleri - estrada aýdymçylary, sazandalar, tans toparlary, şeýle hem ýaşlar döredijilik toparlarynyň aktýorlary 14-15-nji sentýabrda Täjigistanda Merkezi Aziýa we Döwlet Baştutanlarynyň bäşinji Konsultatiw duşuşygynyň çäginde geçiriljek baýramçylyk maksatnamasyna we Araly halas etmegiň halkara gaznasyny (IFAS) esaslandyryjy ýurtlaryň Baştutanlarynyň duşuşygyna gatnaşarlar.
«Toji Somon» halkara film festiwaly 15-nji oktýabrdan 19-njy oktýabr aralygynda Duşanbe şäherinde geçiriler we Täjik kino gününe bagyşlanar. Kinoforumyň topary bäsleşik maksatnamasyna gatnaşmak üçin Ýewropadan, Aziýadan we GDA ýurtlaryndan filmleri saýlady. Gözden geçirilen we maslahat berilýän filmleriň arasynda Eýrandan, Belarusdan, Wengriýadan, Özbegistandan, Pakistandan, Türkmenistandan, Gazagystandan, Russiýadan, Ermenistandan, Hindistandan we Hytaýdan 25-den gowrak film bar.
"Töleg" mobil goşundysynda indi tölegleri "Senagat" paýdarlar täjirçilik bankynyň kartlary arkaly hem tölemek mümkinçiligi döredildi. Bu programmany (2,7 täzelenmesi) AppStore we Google Play mobil goşundylar platformasyndan ýükläp alyp bilersiňiz.
Mary welaýat gümrükhanasynda geçirilen okuw-maslahatynda hususy taraplar bilen eksport-import gatnaşyklaryny işjeňleşdirmegiň usullary maslahatlaşyldy. Bu barada Türkmenistanyň Döwlet gümrük gullugy habar berýär.
Taksini "0656" gysga belgä jaň edip ýa-da "Ynamly taksi" mobil goşundysy arkaly sargyt edip bolýar.
“Türkmendeňizderýaýollary” agentliginiň ýolbaşçylary Koreýa Respublikasynyň Deňiz enjamlary assosiasiýasynyň (KOMEO) we “Koryo Shipbuilding” kompaniýasynyň wekilleri bilen gepleşikler geçirildi.
Türkmenistanyň paýtagtynda, 11-17-nji sentýabr aralygynda tennis boýunça milli çempionaty we ýetginjekler birinjilikleri geçirilýär. «Aşgabat» stadionynyň tennis kortlaryna ýurdumyzyň ähli welaýatlaryndan 273 tennisçi ýygnandy. Olar ýekelikde we jübütde medal almak üçin bäsleşerler.
“SENNUR” modalar öýi Özbegistanyň Kokand şähererinde geçirilýän “Hünärment” atly Halkara milli haşam sungatlarynyň festiwalyna gatnaşar. 21 – 23-nji sentýabrda festiwalyň geçiriljek ýerinde demirden, misden, gymmatly metallardan ýasalan we beýleki sungat önümleriň bölümleri dörediler.
Er-Riýadda (Saud Arabystany) agyr atletika boýunça dünýä çempionatynda, 81 kilograma çenli agram derejesinde bäsleşýän türkmen agyr atletikaçy Gaýgysyz Toräýew kiçi bürünç medal gazandy.
