Futbol boýunça Aziýa Kubogynyň oýunlaryna petekler satylyp başlandy
12-nji ýanwar - 10-njy fewral aralygynda Katar Döwletinde futbol boýunça Aziýa Kubogyny almak boýunça ýaryşlar geçiriler. Bu oýunlara petekler eýýäm satylyp başlandy diýip, thepeninsulaqatar.com neşiri habar berýär. Yklymyň Kubogyny almak boýunça geçiriljek oýunlar ýurduň 9 futbol stadionynda bolar.
Toparlaýyn tapgyrdaky oýunlara petegiň bahasy 25 katar rialyna barabar bolup, ony ýerli halk, şol sanda daşary ýurtlaryň raýatlary hem bökdençsiz satyn alyp bilerler.
Futbol boýunça Aziýanyň Kubogyny almak ugrunda geçiriljek ýaryşlara petekleri şu salgy boýunça satyn alyp bolýar.
Milli futbol ýygyndylaryň arasynda Aziýanyň Kubogyny almak ugrundaky ýaryşlar geljek ýylyň başynda 18-nji gezek geçiriler. 4 ýylda bir gezek geçirilýän Kubogyň oýunlarynyň iň soňkusynyň ýeňijisi Katar Döwletiniň ýygyndysy bolup durýar. Ol 2019-njy ýylda Birleşen Arap Emirliklerinde öz ýeňşini baýram edipdi.
Ýaponiýanyň futbol ýygyndysy Aziýanyň Kubogyna iň köp eýelik eden, ýagny 4 gezek ýeňiji bolan topardyr. Saud Arabystan we Eýran bu Kubogy 3 gezek eýelemegi başardy.
ORIENT news
