Türkmenistan indi Ýewropa sebitiniň ýokary okuw mekdepleri ulgamynyň hünär derejelerini ykrar edýär. Bu barada Prezident Serdar Berdimuhamedowyň gol çeken kanuny şu gün resmi türkmen metbugatynda çap edildi.
Türkmenistanyň gümrük işgärleri gümrük hyzmatdaşlygyny ösdürmek we serhetlerde ýokary derejeli hyzmaty üpjün etmek üçin daşary ýurtly kärdeşleri bilen özara gepleşikleri geçirdiler. Bu barada Türkmenistanyň Döwlet gümrük gullugynyň Hukuk we halkara gatnaşyklary bölüminiň uly gözegçisi Çemengül Baýramowa «Neýtralnyý Türkmenistan» gazetine beren interwýusynda gürrüň berdi.
Halkara söwda merkezi tarapyndan durmuşa geçirilýän «Ready4trade» taslamasy Türkmenistanyň telekeçileri üçin eksporty dolandyrmak we serhetüsti amallaryny berjaý etmek boýunça okuw geçirdi. Taslama Ýewropa Birleşigi tarapyndan maliýeleşdirilýär.
Şu gün resmi metbugatda çap edilen we güýje giren Türkmenistanyň «Ýerli öz-özüňi dolandyryş hakynda» täze kanuny, ýerli öz-özüňi dolandyryş edaralarynyň – Geňeşleriň, şeýle hem çäk jemgyýetçilik öz-özüňi dolandyryş edaralarynyň – Mejlisleriň ygtyýarlyklaryny düzgünleşdirýär.
Türkmenistanyň Ylymlar akademiýasynyň amaly ylmy-barlag edaralarynyň işini kämilleşdirmek bilen baglylykda, Oguz han adyndaky Inžener-tehnologiýalar uniwersitetiniň Umumy we amaly biologiýa instituty doly hojalyk hasaplaşygyna geçer.
Owganystanyň Faryab welaýatynyň Garamgol etrabynda Türkmenistanyň hökümeti tarapyndan 2009-njy ýylda gurlan Saglyk öýüniň durkunyň düýpli abatlanyp berilmegi bilen bagly dabaraly resmi çäre geçirildi. Ýurtda soňky döwürde bolup geçen wakalar sebäpli, saglygy goraýyş edarasyna zyýan ýetdi we şol sebäpli, türkmen hökümeti tarapyndan onuň doly abatlanmagyna we enjamlaşdyrylmagyna serişde bölünip berildi, şeýle hem, ynsanperwer kömegi hökmünde owgan tarapyna medisina enjamlary, derman serişdeleri gowşuryldy.
Aşgabatda blis-küşt boýunça Türkmenistanyň iki günlük çempionatyna badalga berildi. Şenbe güni oýunlaryň 10 tapgyry oýnaldy. Bu baradaky gürrüňlere içgin ünsi çekmän, blis boýunça çempionata gatnaşyjylaryň düzüminiň ýakynda tamamlanan rapid – çalt oýnalýan küşt boýunça çempionata gatnaşyjylar bilen deňeşdirlende, has wekilçilikli bolandygyny bellemek isleýäris.
Zähmet we ilaty durmuş taýdan goramak ministrliginiň Aşgabat şäher müdirligi türkmen paýtagtynda boş iş orunlarynyň ýarmarkasy geçirer habar berildi diýip, bu ministrligiň resmi saýty habar berýär.
Ýewropa ýurtlarynyň 10-sy Azerbaýjanyň tebigy gazynyň import edilip başlanylmagyna we artdyrylmaga uly gyzyklanma bildirýär. Bu barada Trend habarlar agentligi prezident Ylham Alyýewiň «Ortaky geçelgäniň ugry boýunça: geosyýasat, howpsuzlyk we ykdysadyýet» atly maslahatyň jemleri boýunça çykyşyndan soň aýdan sözlerine salgylanyp habar berýär.
Owganystan söwdany giňeltmek we ýerli senagaty ösdürmek maksady bilen, Merkezi Aziýanyň üsti bilen Ýewropa harytlaryň eksportyny artdyrýar. Bu barada Bahtar habarlar agentligi habar berýär.
24-nji noýabrda Tokioda Liberal-demokratik partiýasynyň agzalaryndan ybarat Ýapon-Merkezi Aziýa parlament dostluk ligasynyň ilkinji mejlisi geçirildi. Ýaponiýanyň dolandyryjy partiýasynyň wise-prezidenti Taro Aso tarapyndan ýolbaşçylyk edilýän parlament topary Merkezi Aziýa sebitiniň bäş ýurdy: Gazagystan, Gyrgyzystan, Türkmenistan, Täjigistan we Özbegistan bilen gatnaşyklary berkitmek üçin döredildi – diýip, "Asahi" gazeti ýazýar.
Özbegistan kriptopullary alyş-çalyş etmek babatda hyzmatlary hödürleýänleriň ikisine ilkinji ygtyýarlylandyrmalary berdi.
Küşdüň çalt oýnalýan görnüşi ýa-da, başgaça aýdylanda, rapid boýunça Türkmenistanyň çempionaty tamamlandy. Ol üç gün dowam etdi, şol döwürde üstünlige beslenen umytlar we ýerine düşmedik tamalar, ýeňişiň ýakynlaşandygyny alamatlandyrýan duýgy we utulma ajylygy, çaklamalaryňa bolan ynam we pelegiň ýakymsyz oýny – hemmesi boldy.
«Türkmenenergo» döwlet elektroenergetika korporasiýasy goňşy ýurtlara elektrik energiýasynyň eksportyny artdyrdyrmak üçin bar bolan şertnamalara goşmaça şertnamalary baglaşar.
Türkmen hünärmenleriniň gatnaşmagynda Merkezi Aziýada Serhetleri dolandyrmak Maksatnamasynyň sebitleýin okuw maslahatynda (BOMCA 10) Ösümlikleri goramak boýunça halkara konwensiýasynyň (IPPC) talaplary ara alnyp maslahatlaşyldy. Bu barada maksatnamanyň web saýty habar berýär.
