Türkmenistanyň Daşary işler ministri Raşid Meredow we ABŞ-nyň Döwlet sekretary Entoni Blinken C5+1 ministrler duşuşygynyň meýdançasynda ikitaraplaýyn wirtual maslahatlaşmalaryň geçirilmegini ara alyp maslahatlaşdylar – diýlip, ABŞ-nyň Döwlet departamentiniň saýtynda habar berilýär.
GDA gatnaşýan-ýurtlaryň hökümetleriniň baştutanlary Arkalaşygyň giňişliginde hyzmatlaryň erkin söwdasy baradaky Ylalaşyga birinji ýarym ýylyň soňuna çenli gol çekip bilerler. Bu barada GDA-nyň Baş sekretary Sergeý Lebedew beýan etdi, şunda bu resminamanyň üstünde on ýyldan gowrak wagt bäri işlenilýändigini anyklady.
Ýanwar aýynyň dowamynda «Türkmengaz» DK Lebap welaýatynda 1 mlrd 19,3 mln kub metr tebigy gazy gazyp aldy, muňa konserniň ýanyndaky «Lebapgazçykaryş» müdirliginiň merkezi önümçilik-dispetçer gullugynyň maglumatlary şaýatlyk edýär – diýip, Türkmenistanyň nebit-gaz toplumynyň saýty habar berýär.
Türkmenistanyň wekiliýetini BMG-niň adam hukuklary baradaky Komiteti bilen Konstruktiw dialoga taýýarlamagyň çäklerinde BMGÖM we BMG-niň Adam hukuklary boýunça ýokary komissarynyň müdirliginiň Merkezi Aziýa boýunça Sebitleýin bölümi usulyýet seminaryny geçirdiler – diýlip, BMGÖM-nyň metbugat üçin maglumatynda habar berilýär.
Lukmançylyk serişdelerini, gyşky egin-eşikleri we krowatlary öz içine alýan 8,6 tonna ynsanperwerlik ýüki Türkmenistandan Türkiýäniň ýer titremede ejir çeken etraplaryna 28-nji fewralda ugradyldy – diýip, Türkiýäniň Türkmenistandaky ilçisi Togan Oral Twitterde habar berdi.
Türkmenistanyň hususy pudagynyň wekillerini şu ýyl Rumyniýada geçiriljek halkara sergilere gatnaşmaga çagyrýarlar – diýlip, Senagatçylar we telekeçiler birleşmesiniň saýtynda habar berilýär.
Bouygues Turkmen kompaniýasy özüniň Carbon Training Center okuw merkezinde Aşgabatda çagalar üçin ekologik aksiýalary yzygiderli geçirmegi niýet edinýär – diýip, kompaniýanyň wekilleri ORIENT-e gürrüň berdiler.
Türkmenistanyň Bütindünýä söwda guramasyna (WTO) agza bolmagy bilen baglanyşykly meseleleri öwrenmek boýunça Hökümet komissiýasynyň agzalary Şweýsariýadaky Bern Uniwersitetiniň Dünýä söwdasy institutynyň «Gyşky akademiýa-2023» okuw kurslaryna gatnaşdylar.
Türkmenistanyň Daşary işler ministrliginde Aşgabat şäherine iş sapary bilen gelen Ysraýylyň Daşary işler ministrliginiň Ýewraziýa we Günbatar Balkanlary departamentiniň müdiri Ýuwal Fuhsah bilen duşuşyk geçirildi.
Türkmenistanyň Daşary işler ministriniň orunbasary Mähri Bäşimowa we Saud Arabystany Patyşalygynyň ilçisi Said Osman Ahmed Suweýd bilelikdäki çäreleriň, şeýle hem şu ýyla dürli derejelerde meýilleşdirilýän özara saparlaryň möhletini we gün tertibini ara alnyp maslahatlaşdylar.
1-nji martdan Ahal welaýatynyň ýaşaýjylaryna we myhmanlaryna hyzmat etmek üçin ýollara Toyota Corolla kysymly ýeňil awtoulaglaryň 50 sanysy çykar. Ýapon awtoulaglary “Türkmenawtoulaglary” agentliginiň düzümine girýän “Ahalawtoulag” önümçilik birleşiginiň taksi parkynyň üstüni ýetirdi. Bu barada birleşigiň resmi saýtynda habar berilýär.
28-nji fewral, sişenbe güni Türkmenistanyň Daşary işler ministri Raşid Meredow Gazagystanyň Astana şäherinde geçirilen daşary işler ministrleri derejesindäki (C5+1) duşuşygyna gatnaşdy.
Hormatly Prezidentimiz Serdar Berdimuhamedowyň adyna Birleşen Milletler Guramasynyň Baş Assambleýasy tarapyndan Türkmenistanyň başlangyjy bilen “Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkeziniň orny” atly Kararnamanyň biragyzdan kabul edilmegi mynasybetli gutlag hatlary we telegrammalar gelip gowuşýar.
Aziýa Küşt federasiýasy (ACF) Russiýa Küşt federasiýasynyň (RKF) guramanyň düzümine geçmegini makullady, - diýip, Halkara Küşt federasiýasynyň (FIDE) aklawçysy Aleksandr Martynow RIA Nowosti agentligine habar berdi.
Gazagystanyň Prezidenti Kasym-Jomart Tokaýew we ABŞ-nyň Döwlet sekretary Entoni Blinken sişenbe güni geçirilen duşuşygyň dowamynda iki ýurduň howpsuzlyk, energetika, söwda we maýa goýum ýaly ugurlardaky hyzmatdaşlygyny çuňlaşdyrmak barada ylalaşdylar – diýip, Tokaýewiň metbugat gullugy habar berýär.
