Türkmenistanyň DIM-nde USAID bilen hyzmatdaşlygyň meseleleri ara alnyp maslahatlaşyldy
Penşenbe güni Türkmenistanyň Daşary işler ministriniň wezipe borçlaryny wagtlaýyn ýerine ýetiriji W.Hajiýew bilen ABŞ-nyň Halkara ösüş agentliginiň (USAID) Aziýa býurosynyň Dolandyryjysynyň kömekçisiniň orunbasary Anjali Kaur sebit we milli taslamalary öňe sürmekde Türkmenistanyň USAID bilen hyzmatdaşlygynyň häzirki ýagdaýyny we geljekki mümkinçiliklerini ara alnyp maslahatlaşdylar. Kaur Aşgabada iş sapary bilen geldi – diýlip, Türkmenistanyň Daşary işler ministrliginiň saýtynda habar berilýär.
Taraplar Türkmenistanyň bu agentlik bilen uzak möhletleýin hyzmatdaşlygynyň ileri tutulýan ugurlary bolan söwda-ykdysady ösüşi, bilim, saglygy goraýyş, döwlet dolandyrylyşy, kanunçylyk we hukuk ugry, sosial ulgamy, agrosenagat toplumy we ş.m. pudaklarda birnäçe bilelikdäki taslamalaryň bardygyny bellediler.
Diplomatlar USAID bilen bilelikde metanyň zyňyndylaryny azaltmak boýunça Türkmenistan tarapyndan döredilen Iş toparynyň öňünde durýan meseleleri ara alnyp maslahatlaşdylar. Mundan başga-da, sanlylaşdyrmak we pes uglerodly energetika pudagyny ösdürmek ýaly ugurlaryň hyzmatdaşlygyň gün tertibinde ileri tutulýan ugurlar bolup durýandygy barada umumy pikir beýan edildi.
Şeýle hem, duşuşykda Türkmenistanyň BSG-ä girmegi bilen baglanyşykly USAID tarapyndan maslahat we tehniki goldaw meseleleri boýunça giňişleýin pikir alyşyldy.
ORIENT news
