Türkmenistanyň Goranmak ministrliginiň Harby institutynyň öz elektron portaly peýda boldy, onuň ulgamynda elektron žurnal we kitaphana, şeýle hem okuw-nazaryýet materiallary göz öňünde tutulandyr – diýip, «Esger» gazeti habar berýär.
Hytaý alymlary adaty akylly telefonlaryň kameralaryny çagalarda görüşiň bozulmagyny irki döwürde ýüze çykarýan gurala öwürýän goşundyny işläp düzdüler – diýip, China daily habar berýär.
Türkiýe Respublikasynyň 100 ýyllygynda awiasiýa, kosmosa we ösen tehnologiýa bagyşlanyp, däp bolup gelýän TEKNOFEST festiwaly Izmir, Stambul we Ankara kabul eder – diýip, Anadolu agentligi habar berýär.
Belarus Respublikasynyň Emläk baradaky döwlet komiteti awtomatiki kadada hukuk bozulmalary ýüze çykarmak üçin neýrosetleri ulanmaklygy meýilleşdirýär – diýip, edaranyň baştutany Dmitriý Matusewiçe salgylanyp, BelTA habar berýär.
Älem startapy AstroForge asteroidlerde platina gazyp almak boýunça uçuşy amala aşyrmklyga taýýarlyk görýär. Synag uçuşyny eýýäm şu ýylyň aprel aýynda amala aşyrmak meýilleşdirilýär. Bu adamzadyň taryhyndaky ilkinji gezek asman jisimlerinden peýdaly gazylyp alynmalary almak synanyşygydyr. Iki sany älem apparatyny SpaceX Falcon 9 raketasy orbita çykarar – diýip, Bloomberg habar berýär.
Hytaýdan, Gonkongdan we ABŞ-dan bolan alymlaryň topary magnit meýdanynyň täsiri bilen suwuk haldan gaty hala geçip bilýän, şol sebäpli gözenekden geçmesi kyn bolan ýerlere barmaga ukyply metal roboty döretdiler. Bu taslama baradaky maglumat Matter žurnalynda çap edildi.
Türkmenistanyň Döwlet energetika institutynyň energiýanyň gaýtadan dikeldilýän çeşmeleri boýunça Ylmy-önümçilik merkeziniň hünärmenleri geljekde netijeli gün we ýel elektrik stansiýalaryny gurmaga kömek etjek programma üpjünçiligini işläp taýýarladylar. Bu barada merkeziň direktory Kakageldi Saryýew türkmen resmi metbugaty üçin synynda gürrüň berdi.
Pekin uniwersitetiniň alymlar ýer titremeler tarapyndan emele getirilen seýsmiki tolkunlaryň traýektoriýasyny seljerdiler we 2009-njy ýyldan 2020-nji ýyl aralygynda Ýeriň içerki gaty ýadrosynyň aýlanmagy haýallady we häzir, ähtimal, düýbünden beýleki tarapa aýlanyp başlady – diýip, Nature Geoscience saýtynda çap edilen ylmy-barlagda aýdylýar.
Rur uniwersitetinden ylmy-barlag topary 2011-nji ýyldan 2022-nji ýyllar aralygynda «Ýer şary-gijesine» ylmy taslamasynyň çäklerinde ýyldyzlara adaty göz bilen 50 000 syn etmeleri seljerdiler, olaryň netijesinde adamlaryň bütin dünýä boýunça gijeki asmanda barha az ýyldyz görýändikleri ýüze çykaryldy. Bu asmanyň ýagtylygynyň her ýylda 7-10% artýandygy bilen baglanyşyklydyr – diýip, Science žurnalynda neşir edilen ylmy-barlagyň netijeleri barada aýdylýar.
Hünärmenler “Belarus” traktoryna goýulan hytaý hereketleydirijisini “ygtybarly, tygşytly we elýeter” diýip, häsiýetlendirýärler. Onuň kuwwatlylygy 350 at güýjüne deňelýär. Häzirki wagtda enjam synagdan geçirilýär we şu ýyl hakyky şertlerde işe başlar diýip, Belarussiýanyň KHBS-i ýazýar.
Google kompaniýasy ýiten zatlary gözläp tapmak üçin akylly maýak çykarar. Gurluşy olar ýitmez ýaly açara, goş-golama we şuňa meňzeş beýleki zatlara birikdirip bolýar. Gurluş telefon bilen birikdirilenden soň, ol zatlaryň ýerleşýän ýerini görkezer – diýip, Android Authority salgylanyp, köpçülikleýin habar beriş serişdeleri ýazýar.
Kembrij, Edinburg we Waşington uniwersitetlerinden ylmy-barlagçylaryň topary buzlaryň eremeginiň diňe bir howanyň bütindünýä maýlamagyna bagly bolman, eýsem buzlara günbatardan öwüsýän şemallaryň agdyklyk etmegine hem baglydygyny ýüze çykardylar. Bu hem ereme ýagdaýyny yzyna gaýdyp bilýän hala getirýär – diýip, Nature Communications žurnalynda çap edilen barlagda aýdylýar.
Amerikan startapy SpoonTEK adamyň tagam duýujy reseptorlaryny elektrik usuly bilen täsir edýän çemçäni işläp düzdi. Oýlap tapyş duzuň we beýleki tagam beriji goşundylaryň sarp edilişini kemeltmäge mümkinçilik berýär. Çemçe eýýäm satuwa çykaryldy – diýip, Techcult.ru. habar berýär.
Russiýa we Belorussiýa bilelikde döredilen Ýeri uzakdan zondirleýän hemrany 2028-nji ýylda uçurmagy meýilleşdirýärler – diýip, TASS Belorussýanyň Milli ylymlar akademiýasynyň «Geomaglumatlar ulgamy» kärhanasynyň direktory Sergeý Zolotoýyň söhbetdeşligine salgylanyp, habar berýär.
Samsung resmi taýdan Galaxy Unpacked bilentanyşdyryşy yglan etdi – ol 1-nji fewralda bolar – diýip, Engadget habar berýär.
