Meta Facebook и Instagram üçin tölegli werifikasiýa etmäge başlaýar
Meta kompaniýasynyň baştutany Mark Sukerberg täze hyzmata başdalga berilýändigini — Facebook и Instagram sosial torlaryndan peýdalanyjylar üçin Meta Verified tarapyndan tölegli werifikasiýa etmäge girişilýändigini yglan etdi – diýip, BBC habar berýär.
Hyzmat döwüp girmekden goşmaça goraglylygy üpjün etmek üçin ulanyjynyň adynyň gapdalyna gök belligi almaga mümkinçilik berýär, şeýle hem müşderilere goldaw bermek gullugyna göni elýeterliligi üpjün edýär.
«Bu funksiýa biziň hyzmatlarymyzyň hakykylygyny we howpsuzlygyny ýokarlandyrmak üçin niýetlenendir», — diýip, Sukerberg belledi, ilkibaşda ol Awstraliýada we Täze Zelandiýada synag edilip görler, soňlugy bilen beýleki ýurtlary hem gurşap alar – diýip, sözüniň üstüne goşdy.
Werifikasiýa alnandan soňra ulanyjy hasabyň adyny, öz adyny, doglan ýylyny ýa-da suratyny gaýtadan barlag geçirmezden üýtgedip bilmeýär.
18 ýaşdan uly bolan şahslar hyzmaty almak üçin hasapdaky maglumat bilen gabat gelýän resmi şahsyýetini tassyklaýan resminama görkezmelidirler.
Kompaniýada habar bermeklerine görä, täze hyzmata girişilmegi öň werifikasiýa edilen we korporatiw hasaplara täsir etmeýär.
Tölegli werifikasiýa Twitteriň eýesi Ilon Mask 2022-nji ýylyň noýabrynda şuňa meňzeş ulgamy girizenden soňra girizilýär. Ýöne täzeçillik ulanyjylarda ters seslenme tapdy.
ORIENT habarlar
