Türkmenistanyň Bilim ministrligi ýurtda diplomlary kabul edilýän ýokary okuw mekdepleriniň sanawynyň üstüni ýetirdi. Degişli üýtgetmeler «Türkmenistanda ýokary we orta hünär bilimi baradaky daşary ýurt döwletleri tarapyndan berlen resminamalaryň ykrar edilişiniň tertibine» girizilendir.
Medeni-ynsanperwer ugurdaky gatnaşyklary ösdürmegiň geljegi Türkmenistanyň Ermenistandaky Adatdan daşary we Doly ygtyýarly ilçisi Muhammetgeldi Aýazowyň Ermenistanyň Bilim, ylym, medeniýet we sport boýunça täze bellenen ministri Žanna Andreasýan bilen duşuşygynda ara alnyp maslahatlaşyldy. Bu barada diplomatik wekilhananyň metbugat beýanatynda habar berilýär.
2023-nji ýylyň 1-nji martyndan ÝGPJ «Aşgabat şäher telefon tory» internetiň tizligini ýokarlandyrar we nyrhnamanyň bahasyny peselder. Indi öýde ulanylýan internetiň iň pes tizligi 1 mbit/s bolar, iň ýokary tizlik bolsa – 6 mbit/s deň bolar – diýlip, AşGTS-ň saýtynda habar berilýär .
Weýrançylykly ýer titremeleri bilen baglanyşykly gyş kanikullarynyň mejbury uzaldylmagyndan soňra, Türkiýäniň 71 welaýatynda okuw gaýtadan başlandy.
Gamblino.com saýtynda çap edilen barlaglaryň netijelerine görä, Şweýsariýa syýahatçylar üçin Ýewropada iň howpsuz ýurt hasaplanýar.
Özbegistanyň we Hindistanyň harby gullukçylary Hindistanyň Uttarakhand welaýatynyň daglarynda bilelikde “Dostluk” okuw türgenleşigini geçirerler – diýip, Özbegistanyň Goranmak ministrliginiň metbugat gullugy sişenbe güni habar berýär.
Russiýanyň Türkmenistandaky ilçihanasynyň konsullyk bölüminde berilýän daşary ýurt pasportynyň taýýarlygyny uzakdan barlamaga mümkinçilik berýän täze onlaýn hyzmat Aşgabatdaky diplomatik wekilhanasynda ýola goýuldty. Bu barada Russiýanyň Türkmenistandaky ilçihanasynyň Telegram kanaly habar berýär.
Türkmenistanly meýletinçileriň 30-sy meýletinçileriň onlaýn-forumyna gatnaşdylar – diýip, BMG-niň Türkmenistandaky wekilhanasynyň saýtynda habar berilýär.
Ýaponiýanyň Kawadzu şäherinde sakura öňkülerinden ir gülledi. Bu gülleme soňky on ýylyň dowamyndaky iň ir güllemedir. Gyş üljesiniň gülleri ýerli derýanyň kenaryndaky bagda peýda boldy – diýip, «MIR 24» teleýaýlymy habar berýär.
BMG-niň adam hukuklary baradaky Ýokary komissarynyň Müdirliginiň Merkezi Aziýa boýunça sebitleýin bölümi maýyplygy bolan ýaşlar üçin adam hukuklary boýunça Mekdebe ýazylyşygy yglan edýär. Bu barada BMG-niň Türkmenistandaky wekilhanasynyň Instagram-hasabynda habar berilýär.
35 ýaşa çenli bolan we iş tejribesi 3 ýyldan az bolmadyk 70-den gowrak lukman Türkmenistandan 2023-nji ýylda kliniki ordinatura kabul ediler – muňa resmi metbugatda kabul edişlik barada çap edilen bildirişler şaýatlyk edýär.
Türkmenistanyň Mary, Lebap, Balkan welaýatlarynyň käbir etraplarynda we bölekleýin – Ahal welaýatynda güýçli ýel bolmagyna garaşylýar, şemalyň tizligi 20 m/s ýetip biler – diýip, «Meteožurnal» neşiri habar berýär.
Özbegistan Türkmenistandan muzdsuz iberilen suwuklandyrylan gazy üpjünçiligi pes maşgalalara paýlap başlady. Bu barada «Худудгазътаъминот» kompaniýasynyň metbugat gullugyna salgylanmak bilen, «Газете.uz» neşiri habar berýär.
Duşenbe güni Antakýada güýji 6.3 ball dereje bolan ýer titremesi hasaba alyndy. Bu barada Ýewropa-Ortaýer deňziniň seýsmologiýa merkezi habar berdi. Onuň maglumatlaryna görä, hadysanyň merkezi 2 km çuňlukda ýerleşýär. Türkiýäniň Adatdan daşary ýagdaýlar boýunça müdirliginiň maglumatlaryna görä, sarsgyn 16 km çuňlukda emele gelipdir – diýip, TASS habar berýär.
Ýaponiýanyň Tendo şäherinde Arkadag şäheriniň tanyşdyrylyş dabarasy geçirildi. Bu çäre duşenbe güni Türkmenistanyň Ýaponiýadaky ilçihanasy we Tendo şäher häkimligi bilen bilelikde geçirildi.
