Ýaponiýada sakura wagtyndan bir aý öň gülledi
Ýaponiýanyň Kawadzu şäherinde sakura öňkülerinden ir gülledi. Bu gülleme soňky on ýylyň dowamyndaky iň ir güllemedir. Gyş üljesiniň gülleri ýerli derýanyň kenaryndaky bagda peýda boldy – diýip, «MIR 24» teleýaýlymy habar berýär.
Uzak wagtlardan bäri ilkinji gezek kowid bilen baglanyşykly çäklendirmelerden soňra Ýaponiýanyň ýaşaýjylary indi sakuranyň güllänini görmek we onuň ysyny almak üçin köçelere çykyp bilýärler. Kawadzu şäheriniň bagynda derýanyň boýunda 850-ä golaý ýapon üljesi ösýär. Olardan 70-e golaýy eýýäm gülläp otyr. Sidzuoka prefekturasynyň syýahatçylyk birleşmesi ýapon üljesiniň gülleýşini fewralyň soňuna çenli synlamak bolýar – diýip, habar berýär.
Ýaponiýada adatça sakuranyň güllemegi martyň ortasyndan maýyň başyna çenli bolup geçýär. Ilkinji peýda bolan güller barada habar bermek – gadymdan gelýän ýapon däbidir.
ORIENT habarlar
