“Täze bilimler maksatlaryňa ýetmek üçin örän uly mümkinçilikler berýär. Esasy zat – biz hereket edip başlamak bilen, halk-amaly-haşam döredijiliginiň ussatlary üçin täze işewür giňişligi açdyk, biziň ele alan täze tejribämiz bolsa bu ulgamda yzygiderli ýaýbaňlanýar” diýip, “Orlan” kompaniýasy we ÝUSAID tarapyndan guralan Handmade Exports taslamasyna gatnaşyjy Täjigül Gurbanowa aýdýar.
Türkmenistan bilen Ýewropa Birleşigi Merkezi Aziýanyň neşe serişdeleriniň öňüni alyş maksatnamasynyň (CADAP-7) çäginde hyzmatdaşlygy güýçlendirmäge özara gyzyklanma bildirýärler.
Türkmenistan Aşgabatda döredilmegi meýilleşdirilýän Türkmen-rus uniwersitetinde tehniki we lukmançylyk ugurlary boýunça hünärmenleri taýýarlamaga gyzyklanma bildirdi, bu barada Russiýa Federasiýasynyň Ylym we ýokary bilim ministrliginiň resmi saýtynda Türkmen-Rus hökümetara toparynyň mejlisinden soň habar berdi.
"Deňiz söwda floty" paýdarlar jemgyýeti özüniň resmi web sahypasynda Ro-Pax kysymly amatly ýolagçy parom gämilerde Türkmenbaşy - Baku - Türkmenbaşy ugry boýunça biletleriň onlaýn satuw hyzmatynyň bardygyny habar berdi mmf.com.tm.
Hepdäniň penşenbe güni "Global ýylylygyň Merkezi Aziýa täsiri: sebitiň ýurtlarynyň bahalandyrmalary we çemeleşmeleri, şeýle hem sebit hyzmatdaşlygynyň geljegi" atly onlaýn-maslahat geçirilip, oňa Türkmenistanyň, Özbegistanyň, Gyrgyzystanyň, Gazagystanyň we Täjigistanyň analitikleri gatnaşdy. Olara Germaniýanyň, Wengriýanyň, Şwesiýanyň we başga-da birnäçe ýurtlaryň alymlary hem goşuldylar.
17-nji noýabrda Halkara ynsanperwer ylymlary we ösüş uniwersitetinde Bütindünýä filosofiýa güni bellenildi, onuň baýram edilmegi bu ýaş, ýöne, eýýäm özüni tanadan ýokary okuw mekdebinde Filosofiýa klubynyň açylmagy bilen gabat geldi.
Russiýanyň S7 awiakompaniýasy 2022-nji ýylyň dekabryndan Moskwa-Türkmenbaşy-Moskwa ugry boýunça gatnawlaryň sanyny artdyrar. Goşmaça howa gatnawy penşenbe güni amala aşyrylar – diýlip, Russiýa Federasiýasynyň Türkmenistandaky ilçihanasynyň Telegram kanalynda ýerleşdirilen habarda aýdylýar.
Birleşen Milletler Guramasynyň Ilat Gaznasynyň (UNFPA) maglumatlaryna görä, 15-nji noýabrda dünýäniň ilatynyň sany resmi taýdan 8 milliard adama ýetdi.
«Demirýollary» açyk görnüşli paýdarlar jemgyýeti (AGPJ) Türkmenistandaky ýolagçy otlylarynyň gatnawlarynyň täzelenen tertibini mälim etdi. Onuň bilen aşakdaky suratda tanşyp bilersiňiz.
Germaniýanyň Türkmenistandaky ilçihanasynyň konsullyk bölüminde Şengen wizasyny almak üçin raýatlara ýüz tutmaga deslapky elektron hasaba alyş açylýar diýip, Germaniýanyň Aşgabatdaky diplomatik wekilhanasynyň saýty habar berýär.
Merkezi Aziýa döwletlerinden 100-den gowrak ýaşlar wekiliýeti 17-23-nji noýabr aralygynda Hindistanda sapada boldy. ANI-niň habarlar agentliginiň ýazmagyna görä, saparyň maksady ýaşlary Hindistanyň medeniýeti bilen tanyşdyrmakdan we dostlukly gatnaşyklary ösdürmekden ybaratdyr.
Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň birinji mejlisi geçirildi. Mejlis Gaznanyň esaslandyryjysy, Türkmenistanyň Milli Geneşiniň Halk Maslahatynyň Başlygy Gurbanguly Berdimuhamedowyň başlyklyk etmeginde geçirildi.
«Türkmenistan» awiakompaniýasy özüniň resmi saýtynda ähli halkara gatnawlarynyň tertibini mälim etdi. Görkezilen seneler 2022-nji ýylyň 30-njy oktýabryndan başlap güýje girýär.
Aşgabatda adam söwdasyna garşy göreş babatynda kanunçylygy kämilleşdirmek boýunça seminar geçirilýär. Seminaryň maksady oňa gatnaşyjylary adam söwdasyna garşy göreş syýasatyny we proseduralaryny işläp düzmekde halkara tejribesi bilen tanyşdyrmakdan, şeýle hem pida bolanlary ýüze çykarmakdan we olara kömek bermekden ybarat.
D-or Haýns Fişer – dünýä belli awstriýaly syýasatçy we diplomat. 2004-2016-njy ýyllar aralygynda Awstriýa Respublikasynyň Federal prezidenti wezipesini eýeledi. Häzirki wagt Haýns Fişer özüniň uly dosty, günorta koreýaly syýasatçy we diplomat, BMG-niň ozalky baş sekretary Pan Gi Mun bilen Wenadaky “Pan Gi Mun – merkeziniň” işine işjeň gatnaşýarlar. Bu merkeziň işiniň esasynda zenanlaryň we ýaşlaryň hukuklaryny hem-de mümkinçiliklerini giňeltmek üçin BMG-niň durnukly ösüş baradaky maksatlary durýar.
