Çigildem derýalary, narsiss kenarýakalar: Gollandiýanyň Keukenhof seýilgähindäki gülzarlyk
Gollandiýadaky dünýäbelli Keukenhof şa seýilgähinde bahar gülleriniň millionlarçasy gül açdy, müşki-anbar ysly sary we ak narsissler, krokuslar, älemgoşar reňklerini ýada salýan çigildemler, altynsöw, gyrmyzy, gyzyl, mämişi öwüşginli giasintler ýatdan çykmajak gözel görnüşe eýedir. Internetde tükeniksiz gül meýdanlarynyň şekilleri yzygiderli çap edilýär, hoşboý ysly müň dürli öwüşginli bu gülzarlykda syýahatçylar surata düşýärler.
"Ýewropa bagy" ady bilen meşhur Golland seýilgähinde 32 gektar meýdanda ýedi milliondan gowrak gül ösdürilip ýetişdirilýär. Hakykatda, Keukenhof Gollandiýanyň gül senagatynyň hakyky ýüzüni görkezýär. Ýer togalagynyň iň uly gül bagy Amsterdam bilen Gaaganyň kenarynda uly bolmadyk Lisse şäherçesinde ýerleşýär, bu ýere ýylda bir milliondan gowrak jahankeşde gelýär. Olaryň hemmesi dürli öwüşginli reňk sazlaşygynyň ajaýyp şousyna syn etmäge gelýärler.
Keukenhof seýilgähi 1949-njy ýylda esaslandyryldy. Bu ýerde çigildem köki XV asyrdan bäri ösdürilip ýetişdirilýär. Gyzykly hakykat, adatça Niderlandlar bilen baglaşdyrýan çigildem gülümiziň asly bu ülkeli däl. Ol "türki" gülüň gözelligine haýran galan we ony ilkinji gezek ýurduna getiren Konstantinopoldaky flamand ilçisi arkaly 1593-nji ýylda Gollandiýa gelýär.
“Orient” öz okyjylaryny şa gül bagyna aralaşmaga we ajaýyp gülgüzarlyga syn etmäge çagyrýar.
ORIENT news
