Walensiýa 32 sagatlyk iş hepdesini girizen ilkinji şäher boldy
Ispaniýanyň Walensiýasy 32 sagatlyk iş hepdesini girizen dünýädäki ilkinji şäher boldy – diýip, Valencia Plaza habar berýär.
10-njy aprelden başlap 7-nji maýa çenli bir aý dowam etjek degişli synag şäherlileriň saglygyna we abadançylygyna, ekologiýa we ýerli ykdysadyýete baha bermäge, aýratyn hem dört günlük iş hepdesinde söwda we syýahatçylyk ugurlarynyň aýratynlyklaryna baha bermäge niýetlenendir.
Synag taslamasy üç sany dynç gününiň – şenbe, ýekşenbe we duşenbe günleriniň berilmegini göz öňünde tutýar.
Şäheriň häkimi Žoana Ribonyň sözlerine görä, taslama iş wagtynyň kemeldilmegini aňlatmaýar, ol bu mesele boýunça iş berijiler bilen işgärleriň arasynda gepleşikleriň oňyz alnyp barylmagyny göz öňünde tutýar.
Üstümizdäki ýylyň iýun aýyna çenli düzüljek jemleýji seljerme «innowasiýalaryň okunyň» çäklerinde geljekdäki adamyň ýaşaýyş işjeňligi üçin amatly gurşawy üpjün etmekligi göz öňünde tutýan esasy görkezijileri äşgär eder.
ORIENT habarlar
