Dünýädäki iň uly pasha ýumurtgasy Braziliýada oturdyldy
Braziliýanyň Santa-Katarina ştatynyň Pomerodi şäherinde dünýädäki iň uly pasha ýumurtgasyny oturtdylar - diýip, Ginnesiň rekordlar Kitabynyň saýty habar berýär.
Ýerli ýaşaýjylar bu wagtlaýyn ajaýyp ýadygärlik Latyn Amerikasyndaky iri pasha baýramçylyklarynyň biri bolan her ýylky geçirilýän ‘Osterfest” festiwalyna syýahatçylary çekmegi niýet edip, ony pasha baýramyna bagyşlap bezediler.
Ýumurtganyň beýikligi 16,72 metre, diametri bolsa 10,88 metre ýetýär. Ägirt uly ýumurtgany berkitmek üçin göteriji kran ulanylmaly boldy.
Pomerodi şäheri dünýädäki iň uly pasha ýumurtgasy boýunça rekordy 2019-njy ýyldan 2022-nji ýyllar aralygynda saklapdy, ýöne geçen ýyl Braziliýa birinjiligi Ispaniýanyň «Port Awentura» dynç alyş seýilbagyna gidiripdi. Ýöne häzir braziliýalylar üstünligi ýene-de özlerine gaýtaryp aldylar.
Ginnesiň rekordlar kitabynyň saýtynda Pomerodiniň— Brazliýadaky şäheriň nemesleriň iň köp ýaşaýan mekanydygy aýdylýar. Onuň ýaşaýjylarynyň aglabasy — nemes we portugal dillerinde gürleýän nemes emmigrantlarynyň nesilleridir.
ORIENT habarlar
