Türkmen raýatlary Russiýa Federasiýasynda bilim almak üçin kwota bäsleşigine gatnaşyp bilerler
Türkmenistanda 17-nji aprelden 28-nji aprel aralygynda 2023/2024-nji okuw ýylynda Russiýanyň ýokary bilim mekdeplerinde okamak üçin kwota almaga seçip alyş synaglary geçiriler. Dalaşgärler internet platformasynda saýlanan hünäre laýyklykda iki ders boýunça uzakdan synagy geçerler.
Kwota boýunça 2023/2024-nji ýyllar üçin Russiýanyň ýokary bilim mekdeplerine girmek üçin Türkmenistanda saýlama synaglarynyň senesi
«Rosssotrudniçestwo»-da «Orient»-e gürrüň berilşi ýaly, saýlama synaglaryna gatnaşmak üçin dalaşgärleriň noutbuky/şahsy kompýuteri, internet birikmesi, kamerasy we pasporty bolmaly. Şeýle hem, synag gününden 3 gün öňünden ulgamda hasaba alynmaly we tehniki barlagdan geçmeli.
Kwota bäsleşigine gatnaşmak isleýänler, «Rosssotrudniçestwo»-nyň saýlama çärelerini geçirmegiň kadalary, synaga gatnaşyjylar üçin görkezmeler, şeýle hem merkezleşdirilen synagyň esasy dersleri boýunça okuw ugurlary bilen tanşyp bilerler.
Okuw üçin dalaşgärler e-poçta arkaly aýratyn çakylyk, şeýle hem synag meýilnamasy we uzakdan saýlama çärelerine gatnaşmak üçin zerur görkezmeler alarlar. Guramaçylar, dalaşgärlere e-poçtalaryny barlap durmagy we «Rosssotrudniçestwo»-nyň sosial ulgamlaryndaky Instagram we ICQ habarlary yzarlapm durmagy maslahat berýärler.
Jikme-jik maglumatlary şu telefonlar:
+993 64 53 50 25
94 - 12 – 85
we kvota.otdel_tm@mail.ru elektron poçta arkaly alyp bilersiňiz.
ORIENT news
