Halk Maslahatynyň Başlygy Gurbanguly Berdimuhamedow Arkadag şäherinde adatdan daşary ýagdaýlaryň «123» gysga belgili ýeke-täk Gullugy döretmegi teklip etdi – diýip, TDH habar berýär.
GDA-nyň medeniýet, informasiýa, syýahatçylyk we sport boýunça Parlamentara Hemişelik komissiýasynyň agzalary Sankt-Peterburgyň Tawriýa köşgündäki nobatdaky mejlisinde GDA-nyň PAA-nyň ýanynda medeniýet boýunça bilermenler geňeşiniň döredilmegi üçin ses berdiler.
Gazagystanyň prezidenti Kasym-Žomart Tokaýew, ýakynda geçirilen Sammitde Merkezi Aziýa ýurtlary bilen Hytaýyň arasyndaky hyzmatdaşlygyň ileri tutulýan ugurlaryny hödürläp, toparlaýyn gezelençler üçin wizasyz tertip bilen Ýüpek ýoly syýahatçylyk operatorlarynyň sanawyny we ýeke-täk syýahatçylyk toparyny döretmegi teklip etdi.
Ýurdumyzyň Söwda-senagat edarasynda geçiriljek sergä döwlet we işewür toparlara wekilçilik edýän 140 sany türkmen we daşary yurt kompaniýalary gatnaşar.
Türkmenistanda Garaşsyzlygynyň 32 ýyllyk baýramy mynasybetli geçiriljek döwlet çärelerine gowy taýýarlyk görmek we ýokary derejede geçirmek maksady bilen degişli guramaçylyk topary döredildi. Türkmenistanyň Prezidenti bu barada Karara gol çekdi we onuň düzümini tassyklady.
Türkmen wekiliýeti 20-nji maýda Bakuwda açylan «Baku ýürek günleri» VIII halkara kongresine gatnaşýar. Kongresiň çäklerinde kardiologiýa we ýürek hirurgiýasy pudagyndaky soňky ylmy ösüşler ara alnyp maslahatlaşylýar.
Türkmenistanda ýaşaýan türk raýatlary 28-nji maýda Türkiýede geçiriljek prezident saýlawlarynyň ikinji tapgyry üçin saýlaw uçastogyna geldiler.
7-9-njy iýunda Soçide GDA we Ýewraziýa ykdysady bileleşiginiň (ÝYB) II Ýaşlar forumy geçiriler. Çäräni Ýaşlaryň işleri boýunça federal agentligi (Russiýa Federasiýasy) guraýar. Bu barada CentralAsia.news ulgamlaýyn neşiri Ýewraziýa ykdysady toparynyň metbugat gullugyna salgylanmak bilen habar berýär.
Türkmenisatanly ýokary synp okuwçylary Litwanyň Wilnýus şäherinde geçirilen “Wilnius International Design Olympiaad VILIPO - 2023” bäsleşiginiň ýeňijisi boldular.
Aşgabatda Türkmen döwlet ykdysadyýet we dolandyryş institutynda "Dünýä ykdysadyýeti" dersi boýunça açyk halkara internet olimpiadasy geçirildi. Bäsleşige diňe bir türkmen ýokary okuw mekdepleriniň talyplary däl, eýsem institutyň ýörite "Moodle" platformasynyň üsti bilen onlaýn birikme arkaly birnäçe daşary ýurt uniwersitetleriniň talyplary hem gatnaşdylar.
Aşgabatdaky A.S. Puşkin adyndaky bilelikdäki Türkmen-rus umumybilim berýän mekdebiň 11-nji synp okuwçysy Kirill Sultanmuradow 2022-2023-nji okuw ýylyndaky mekdep okuwçylarynyň Awiasiýa boýunça olimpiadada üçünji ýeri eýeledi. Ol Rosawiasiýanyň ýardam etmeginde başlangyç uçuş taýynlygy bolan Moskwanyň umumybilim berýän mekdebi tarapyndan geçirildi.
Türkmenistanyň Oba hojalygy we daşky gurşawy goramak ministriniň orunbasary Begmyrat Ataýew BMG-niň Baş sekretarynyň orunbasary Armida Salsiýa Alisjabana bilen Aziýa we Ýuwaş ummany üçin Ykdysady we sosial komissiýasynyň (ESKATO) arasynda türkmen tarapy bilen hyzmatdaşlygy ýygjamlaşdyrmagy ara alyp maslahatlaşdy.
Ösen tehnologiýalar, depginli dinamika döwründe iş-aladalar bilen gurşalan adamlar iň möhüm zady – beden we ruhy sagatlygyny ünsden düşürýärler. Daşky gurşawyň ruhy saglyga edýän täsirini peseltmegiň ähmiýeti sport bilen meşgullanmakdan we dogry iýmitlenmekden pes däldir, şunuň bilen baglylykda Aşgabatda ilkinji gezek Welnes güni (Beden we ruhy saglygyň güni) geçiriler.
Noýabr aýynda Türkmenistanyň Mary şäherinde Merkezi Aziýa ýurtlarynyň we Hytaýyň Ýaşlar forumy geçiriler. Bu başlangyç Türkmenistanyň Prezidenti Serdar Berdimuhamedow tarapyndan 18-nji maýda Sian şäherinde geçirilen “Merkezi Aziýa-Hytaý” ilkinji sammitinde öňe sürüldi.
Ikinji ÝB-Merkezi Aziýa ykdysady forumy anna güni Almatyda geçirildi. Ýewropa Bileleşigi bilen Merkezi Aziýanyň arasyndaky söwda we ykdysady gatnaşyklary pugtalandyrmak boýunça ýokary derejeli umumy mejlisiň işine, Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti hem gatnaşdy. Bu barada Türkmenistanyň Gazagystandaky ilçihanasy habar berýär.
