Türkmen kardiologlary «Bakunyň ýürek günleri» halkara kongresine gatnaşýarlar
Türkmen wekiliýeti 20-nji maýda Bakuwda açylan «Baku ýürek günleri» VIII halkara kongresine gatnaşýar. Kongresiň çäklerinde kardiologiýa we ýürek hirurgiýasy pudagyndaky soňky ylmy ösüşler ara alnyp maslahatlaşylýar.
Bu çäräniň guramaçysy, 20-den gowrak ýurtdan 400 töweregi lukmany birleşdiren Azerbaýjanyň ýürek-damar hirurgiýasy jemgyýetidir diýip, Azertaj habar berýär.
Düýn, 19-njy maýda, çäräniň çäginde Azerbaýjanyň, Türkmenistanyň, Türkiýäniň, Gazagystanyň, Özbegistanyň we Gyrgyzystanyň hünärmenleriň gatnaşmagynda «Türki dünýäsinde ýürek-damar hirurgiýasynyň geljegi» atly tegelek stol geçirildi.
20-21-nji maýda kardiologiýada lukmançylyk üstünlikleri, ölüme eltýän keselleriň arasynda birinji orunda durýan ýürek-damar kesellerini anyklamak we bejermekde iň möhüm meseleler ara alnyp maslahatlaşylýar. Bütindünýä saglygy goraýyş guramasynyň maglumatyna görä, dünýäde ýürek-damar keselinden her ýyl 18 million adam aradan çykýar.
ORIENT news
