GDA-nyň Parlamentara Assambleýasynyň ýanynda medeniýet boýunça bilermenler geňeşi dörediler
GDA-nyň medeniýet, informasiýa, syýahatçylyk we sport boýunça Parlamentara Hemişelik komissiýasynyň agzalary Sankt-Peterburgyň Tawriýa köşgündäki nobatdaky mejlisinde GDA-nyň PAA-nyň ýanynda medeniýet boýunça bilermenler geňeşiniň döredilmegi üçin ses berdiler.
Parlamentariýlere şeýle hem «Sanly mediaresurslar gurşawynda elektron aragatnaşyklar hakynda» modul kanunynyň taslamasynyň üstünde alnyp barylýan işler barada habar berildi.
Mundan başga-da, komissiýanyň agzalary telewideniýä we radioýaýlymlara bagyşlanan modul resminamanyň taslamasy bilen tanyşdylar, ol telewidenýäniň sosial-medeni ähmiýetini ýokarlandyrmaga gönükdirilendir.
«Telewideniýe ýöne bir KHBS däl, eýsem ol adam maýasynyň döredilme faktorydyr» — diýip, Sankt-Peterburgyň döwlet medeniýet institutynyň sosial-medeni tehnologiýalar kafedrasynyň dosenti Ýelena Lwowa nygtady.
Mejlisiň barşynda ylmy we hukuk edebiýatynyň terjimeçileri üçin ýörite çäreleri meýilleşdirmek, şeýle hem Arkalaşygyň ýokary okuw mekdepleriniň talyplary üçin rus dilinde kinodiktant guramak boýunça teklipler aýdyldy.
ORIENT habarlar
