Sianda Ýüpek ýolunyň ugrundaky toparlaýyn gezelençler üçin wizasyz tertip teklip edildi
Gazagystanyň prezidenti Kasym-Žomart Tokaýew, ýakynda geçirilen Sammitde Merkezi Aziýa ýurtlary bilen Hytaýyň arasyndaky hyzmatdaşlygyň ileri tutulýan ugurlaryny hödürläp, toparlaýyn gezelençler üçin wizasyz tertip bilen Ýüpek ýoly syýahatçylyk operatorlarynyň sanawyny we ýeke-täk syýahatçylyk toparyny döretmegi teklip etdi.
Toparlaýyn syýahatlar üçin wizasyz tertip, Hytaýdan gelen syýahatçylaryň birbada Merkezi Aziýanyň birnäçe ýurduna baryp görmegine mümkinçilik döreder.
«Merkezi Aziýanyň baý medeniýeti, owadan tebigaty we ajaýyp ýerleri bolup, bu, elbetde, hytaýly syýahatçylar üçin gyzykly bolup biler»,-diýip Tokaýew aýtdy. Şeýle hem, Gazagystan bilen Hytaýyň arasynda 30 günüň dowamynda wiza talaplaryndan özara boşadylmak baradaky hökümetara ylalaşygyna gol çekmegiň möhümdigini belledi.
«Bu möhüm ylalaşygyň, işewür gatnaşyklarymyzyň we syýahatçylyk akymlarymyzyň giňelmegine goşant goşjakdygyna ynanýaryn»,-diýip Gazagystanyň Baştutany nygtady.
ORIENT news
