Arkadag şäherinde gyssagly çagyryşlaryň gullugynyň «123» ýeke-täk belgisini dörediler
Halk Maslahatynyň Başlygy Gurbanguly Berdimuhamedow Arkadag şäherinde adatdan daşary ýagdaýlaryň «123» gysga belgili ýeke-täk Gullugy döretmegi teklip etdi – diýip, TDH habar berýär.
Täze Gullugyň raýatlardan gelip gowuşýan ýüz tutmalary işläp, gaz we ýangyn howpsuzlygy edaralaryna geçirjekdigi, şeýle hem tiz kömege we gaýragoýulmasyz kömege geçiriljekdigi göz öňünde tutulýar.
Şunuň ýaly ýüz tutmalary kabul etmegiň we işlemegiň ýeke-täk gullugy Türkmenistanda ilkinji gezek döredilýär we adatdan daşary ýagdaýlarda şäheriň ýaşaýjylaryna öz wagtynda kömek etmäge niýetlenendir.
Şuňa meňzeş gulluklar beýleki ýurtlarda öz netijeliligini görkezdi, meselem ABŞ-da «911», Russiýada — «112», Beýik Britaniýada — «999» gysga belgi ulanylýar.
ORIENT habarlar
