ABŞ-nyň Döwlet sekretary Entoni Blinken 7-nji iýulda sintetik neşe serişdelerine garşy bütindünýä koalisiýa gurmak üçin onlaýn ministrler konferensiýasyny çagyrdy. Bu çärä 60 töweregi ýurt we halkara guramalar gatnaşdy.
Türkmenistan ÝUNESKO-nyň birnäçe institutyna we toruna goşular. BMG-niň Bilim, ylym we medeniýet meseleleri boýunça guramasy bilen hyzmatdaşlygy giňeltmek üçin ýurdumyz onuň halkara maksatnamalaryna we ýöriteleşdirilen bölümleriniň işine gatnaşmagyny işjeňleşdirmegi meýilleşdirýär.
Balkan welaýatynyň däne öndürijileri bugdaý hasylyny ýygnamak baradaky şertnamalaýyn borçnamasyny ýerine ýetirdiler. Bu barada mejlisiň dowamynda oba hojalygynyň wise-premýeri wezipesine bellenen, deňiz ýakasy sebitiniň öňki häkimi Taňryguly Atahallyýew anna güni geçirilen türkmen hökümetiniň mejlisinde aýtdy. Ol, bu wezipede saglyk ýagdaýy sebäpli işinden çekilen Annageldi Ýazmyradowyň ýerine geçdi.
ÝHHG-niň Aşgabatdaky merkezi tarapyndan ýol resminamalarynyň howpsuzlygy boýunça tälimçiler üçin gurnalan okuw seminarlarynyň tapgyry anna güni deňizýaka Türkmenbaşy şäherinde tamamlandy. Bilermenler umumy we çuňlaşdyrylan okuw maksatnamalary boýunça sapak geçdiler we mundan beýläk-de ýerlerde işgärleri taýýarlamak üçin materiallar toplumyny aldylar.
Geljegiň kinomediaklasteri Moskwanyň gündogarynda ýerleşer. Anna güni şäheriň meri Sergeý Sobýanin Golliwud we Bolliwud ýaly bäsdeşlige ukyply kino platformasyny döretmek boýunça işleriň gidişi bilen tanyşdy – diýip, TASS habar berýär.
Arkadag şäheri öz telefon kodyny - +993 12 ýa-da 8 00 12 aldy. Ol Aşgabat şäheriniň kody bilen meňzeş.
«Türkmenistan» awiakompaniýasy 16-njy iýulda iki täze ugurda - Milana (Italiýa) we Şençžene (Hytaý Halk Respublikasy) ýük daşamaga başlar. Uçuşlar hepdede bir gezek Airbus A330-200 P2F ýük uçarlary tarapyndan amala aşyrylar diýip, «Türkmenhowaýollary» agentliginiň metbugat gullugy habar berýär.
“Japan Airlines” awiakompaniýasy goşsuz uçýan ýolagçylar we jahankeşdeler üçin synag geýim kärendesi hyzmatyny ýola goýdy. Indi syýahatçylar diňe şahsy arassaçylyk esbaplary bilen çäklenip, ýany bilen çemodan almasalar-da bolar. Bu ädim eko syýahatçylygy ösdürmäge ýardam berer – diýip, howaýollarynyň çarşenbe güni beren beýanatynda bellenilýär.
Parižde 12 gatdan ýokary, ýagny 37 metrden belent jaý gurmagy gadagan edýän kanun güýje girdi. Fransiýanyň paýtagty pes gatly şäher bolmak hukugy üçin köpden bäri göreşip gelýär we ekologik gurluşyga ýardam bermäge gönükdirilen täze “Şäherleşmäniň ýerli meýilnamasyny” (PLU) kabul etdi – diýip, “euronews” ýazýar.
Gadymy türki golýazmalar häzirki wagtda Şwesiýanyň Uppsala we Lund uniwersitetleriniň kitaphanalarynda saklanýar. Kitap neşirleriniň ýeke-täk gadymy nusgalary XIX we XX asyrlarda şwesiýaly missionerler tarapyndan ýygnaldy. Kitaphana gorlarynda türki eserleriň jemi 858-si saklanýar, olaryň 500-den gowragynyň dublikaty bar we olaryň hemmesi Özbegistana ugradylar – diýip, upl.uz habar berýär.
Elektronika dünýäsi we “Berkarar” SDAM-niň SAMSUNG dükanlary iýul aýynyň 7-den 31-i aralygynda “Amatly tomus” aksiýany geçirýär. Aksiýanyň çäklerinde dükanlardan dünýä belli HITACHI sowadyjylarynyň bellenen görnüşlerini satyn alan müşderilere WHIRLPOOL kir ýuwujy maşyny ýa-da HITACHI tozan sorujylary sowgat beriler. HITACHI sowadyjylaryna dükanlar tarapyndan 3 ýyl kepillik berilýär.
ÝHHG tarapyndan gurnalan 26-njy Merkezi Aziýa metbugat konferensiýasy 6-7-nji iýulda Bişkekde geçirilýär. Mediýa forumynyň mowzugy – «Çatryklarda. Demokratiýa üçin metbugat azatlygyny goramak». Ara alyp maslahatlaşmalara metbugat wekilleri we Türkmenistanyň bilermenler jemgyýeti hem gatnaşýar.
Çarşenbe güni, Aşgabatda Türkmenistanyň Daşary işler ministri Raşid Meredow we Daşary işler ministrliginiň Beýik Britaniýanyň Arkalaşygyň we Ösüş meseleleri boýunça döwlet sekretarynyň Parlament orunbasary, ministr Leo Doherti, Türkmenistan bilen Beýik Britaniýanyň arasynda syýasy-diplomatik, söwda-ykdasadyýet we medeni-ynsanperwer ugurlarda özara gatnaşyklaryň giň gerimini ara alyp maslahatlaşdylar. Britaniýaly myhman türkmen paýtagtyna iş sapary bilen geldi diýip, Türkmenistanyň DIM habar berýär.
"Bolşaýa Aziýa" (Uly Aziýa) teleýaýlymy Türkmenistan hakda filmleri görkezer. Millionlarça tomaşaçy Türkmenistanyň baý taryhy, medeniýeti, däp-dessurlary, ägirt uly ykdysady üstünlikleri we syýasy sepgitleri barada gürrüň berýän telewizion žurnallaryna tomaşa edip biler – diýip SNG.FM habar berýär.
Gazagystanda doglan çagalara şahsy şahsyýet belgisi berler, bu ene-atalaryň şahsy ýüztutmasy bolmazdan birnäçe jemgyýetçilik hyzmatlaryny bermekligiň mehanizmini awtomatiki usulda işe girizer diýip, Kursiv.kz habar berýär.
