Ýagşygeldi Kakaýew adyndaky Halkara nebit we gaz uniwersitetiniň rektory Baýrammyrat Atamanow Rumyniýa saparynyň barşynda diplomatik wekiller bilen birlikde Ploýeştiniň Nebit we gaz uniwersitetine baryp gördi.
BAE Hindistan bilen birleşdirjek suwasty demir ýoluny gurmagy meýilleşdirýär. Taslamada, otlynyň Hindi ummanynyň düýbünden, Emiratyň Fujeýra şäherinden Hindistanyň Mumbay şäherine çenli 2000 km uzaklykda geçmegi göz öňünde tutulýar.
ABŞ-ly deňiz biology Nan Hauzer 2017-nji ýylda Ýuwaş ummanynda bolup geçen ajaýyp wakasyny paýlaşdy. Ol Kuk adalarynda kitleri gorap saklamak baradaky dokumental filmiň üstünde işleýärdi we özüniň küýki kitleriň ýanynda ýüzýän suratyny düşürmek kararyna geldi. Ýöne, onuň ýanyna äpet gaplaň akula ýakynlaşanda, onuň jany howp astyndady. Şonda Hauzere kömege kitleriň biri gelip ony ýyrtyjydan gorady we howpsuz ýere alyp gitdi.
Garaşsyz döwletler arkalaşygynda «Parahatçylygy berkitmäge goşan goşandy üçin» medaly döredildi. Degişli karar 13-nji oktýabrda Bişkekde GDA döwletleriniň baştutanlar geňeşiniň mejlisine gatnaşyjylar tarapyndan kabul edildi.
Türkmenistanyň raýatlaryna Russiýanyň ýokary okuw mekdeplerinde okamak üçin arzalaryň kabul edilmeginiň wagty Russiýa Federasiýasynyň hökümetiniň 2024-2025-nji okuw ýyly üçin kwotasynyň çäginde uzaldyldy.
Aziýa-Ýuwaş ummany sebiti boýunça Bütindünýä mirasynyň şäherler guramasynyň dördünji sebit forumy 10-15-nji oktýabr aralygynda Günorta Koreýanyň Kýonji şäherinde geçirildi. Bu çärä Türkmenistanyň Medeniýet ministrliginiň wekiliýeti hem gatnaşdy.
Bu baradaky çözgüt Türki Döwletleriň Guramasynyň syýahatçylyk ministrleriniň Türküstanda (Gazagystan) geçirilen sekizinji ýygnagynda yglan edildi. Bu kararyň resmi taýdan yglan edilmeginiň, 3-nji noýabrda şol şäherde geçiriljek TDG ýurtlarynyň ýolbaşçylarynyň indiki sammitinde bolmagy meýilleşdirilýär.
Daşky gurşaw meselelerine bagyşlanan telegepleşikleriň önümçiligi boýunça okuw, Aşgabatda türkmen teleýaýlymlarynyň redaktorlaryny we operatorlaryny, şeýle hem üç uniwersitetiň žurnalistika mugallymlaryny bir ýere jemledi. Çäräniň maksady – olaryň hünär ukyplaryny we daşky gurşaw meseleleri boýunça hasabat bermek ukybyny ýokarlandyrmaga gönükdirilendir.
GDA-nyň döwlet baştutanlarynyň Bişkekdäki sammitinde Russiýanyň prezidenti Wladimir Putin kärdeşlerine Arkalaşygyň ýurtlarynyň edebi ýygyndylary sowgat berdi diýip, Kreml habar berýär.
Türkmenistan Statistika baradaky döwlet komitetiniň we onuň sebit bölümleriniň hünärmenleri 9-njy oktýabrdan 13-nji oktýabr aralygynda geçirilen Statistik iş sanawy programma üpjünçiligini (programma üpjünçiligini) dolandyrmak boýunça okuwlara gatnaşdylar.
2024-nji ýylda Arkalaşygyň medeni paýtagty statusyny alan Özbegiýanyň Samarkand şäheri GDA ýurtlarynyň Medeniýet, sungat we kino hepdeligini geçirer. Medeni çäräniň geçirilmegi indiki ýyla meýilleşdirilýär diýip, Mir 24 habar berýär.
Aşgabatdaky Fransuz instituty ýene bir döredijilik taslamasyny durmuşa geçirýär – ähli isleg bildirýänleri rok-n-roll stilinde tans sapaklaryna çagyrýar. Sapaklar her ýekşenbe güni Fransuz merkezinde geçiriler.
Beýik Britaniýanyň Türkmenistandaky ilçisi Stiwen Konlon Mary welaýatyna saparynyň barşynda häkim Begençmyrat Orazow bilen duşuşdy.
Russiýan Federasiýasyndaky Türkmenistanyň ilçihanasy Moskwada Türkmenistanyň Garaşsyzlygynyň 32 ýyllygy mynasybetli dabaraly kabul edişlik geçirdi.
29-njy oktýabrda Aşgabat şäherinde türkmen alabaý tohum itleriniň arasynda ýylyň bäsleşigi geçiriler. Prezident Serdar Berdimuhamedow türkmen alabaýynyň baýramy mynasybetli «Ýylyň türkmen edermen alabaýy» bäsleşigini geçirmek baradaky Buýruga gol çekdi.
