Aşgabatda türkmen alabaýynyň baýramy mynasybetli ýaryşlar geçiriler
29-njy oktýabrda Aşgabat şäherinde türkmen alabaý tohum itleriniň arasynda ýylyň bäsleşigi geçiriler. Prezident Serdar Berdimuhamedow türkmen alabaýynyň baýramy mynasybetli «Ýylyň türkmen edermen alabaýy» bäsleşigini geçirmek baradaky Buýruga gol çekdi.
Şeýle hem bu resminama, halyçylaryň, suratkeşleriň, heýkeltaraşlaryň, fotosuratçylaryň, neşirýat işgärleriniň we teleoperatorlaryň arasynda türkmen alabaýlarynyň keşbini şekillendiriş we amaly-haşam sungatyndaky eserlerde, neşir önümlerinde, fotosuratlarda we teleýaýlymda çeper beýan etmek boýunça ýaryşlaryň geçirilmegini göz öňünde tutýar.
Döwlet baştutany bu ýaryşlary geçirmek boýunça emin agzalarynyň düzümini hem tassyklady.
Türkmen alabaýynyň baýramy 2022-nji ýyldan bäri Türkmenistanda oktýabr aýynyň soňky ýekşenbesinde bellenilip geçilýär. 2021-nji ýylda ilkinji gezek türkmen bedewiniň milli baýramy bilen bilelikde bellendi we geçen ýyl Türkmenistanyň Prezidentiniň Kararyna laýyklykda, aýratyn baýramçylyk hökmünde bellendi.
ORIENT news
