Maral Kulyýewa Halkara ynsanperwer ylymlary we ösüş uniwersitetiniň rektory wezipesine bellendi. Ol şu gün döwlet Baştutanynyň Karary bilen Türkmenistanyň Russiýa Federasiýasyndaky Adatdan daşary we Doly ygtyýarly ilçisi wezipesine bellenen Esen Aýdogdyýewiň ornuny eýeledi.
Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel ─ 2023» atly XVI halkara sergisinde TM-CELL «Altyn Asyr» ýapyk görnüşli paýdarlar jemgyýeti müşderilere ýurdumyzda ilkinji gezek täze hyzmat bolan "eSIM" wirtual hyzmatyny hödürleýär.
6-10-njy noýabrda Aşgabatda akyl saglygy we psihososial goldaw boýunça tälimçiler üçin bäş günlük okuw geçirildi. Çärä jemgyýetçilik, polisiýa işgärleri, mugallymlar, raýat jemgyýeti guramalarynyň wekilleri, öňdebaryjy ýaşlar gatnaşdylar.
USAID-iň Häzirki zaman hünärleri ösdürmek taslamasy (YDA) iş bilen üpjün etmek hyzmatlaryny kämilleşdirmek boýunça maksatnamalary üçin stažýorlary kabul edýär. Stažýorlar “Wakant” iş orunlar onlaýn-platformasyny ornaşdyrmagyň üstünde kadrlar agentlikleri bilen işleşerler.
8 - 10-njy noýabrda Russiýa Federasiýasyndan, Gazagystandan, Gyrgyzystandan, Täjigistandan, Türkmenistandan we Özbegistandan 100- den gowrak wekil Omsk şäherinde geçirilen “Russiýa - Merkezi Aziýa sebiti” atly ýaş liderleriň forumyna gatnaşdylar. Düzümi esasan ýaşlardan ybarat bolan wekiliýet agzalary forumda syýahatçylygy ösdürmek bilen baglanyşykly 19 taslamany tanyşdyrdylar.
Türkmenistan Korrupsiýa garşy halkara akademiýasyny (IACA) halkara gurama hökmünde döretmek hakyndaky Ylalaşyga goşulýandygy baradaky güwänama eýe boldy. Degişli resminamany gowşurmak dabarasy Awstriýa Respublikasynyň Ýewropa we halkara işler boýunça Federal ministrliginiň binasynda geçirildi.
Türkmenistanyň Mejlisiniň Başlygy D.Gulmanowa Filippinler Respublikasynyň Türkmenistandaky Adatdan daşary we Doly ygtyýarly ilçisi Roberto G.Manalodan ynanç hatyny kabul etdi. Bu barada Türkmenistanyň Daşary işler ministrligi habar berýär.
ÝUNESKO-nyň işleri boýunça Türkmenistanyň Milli toparynyň jogapkär sekretary Çynar Rüstemowanyň başlyklygyndaky wekiliýet dowamly parahatçylygy gurmakda bilimiň tutýan ornuny ýokarlandyrmaga bagyşlanan ýokary derejeli dialoga gatnaşdy.
Myrat Garryýew adyndaky Türkmenistanyň Döwlet lukmançylyk uniwersiteti 6-njy dekabrda biologiýa dersi boýunça 2-nji halkara internet olimpiadasyny guraýar. Oňa gatnaşmaga Türkmenistanyň we daşary ýurtlaryň talyp ýaşlary çagyrylýar.
Türkmenistan Palestina halkyna we ilkinji nobatda, palestinaly çagalara Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan ynsanperwer kömegini iberdi.
Mejlisiň wekilleri Er-Riýadda Saud Arabystanynyň Şura geňeşiniň binasynda geçirilen Parlamentara dostluk toparynyň mejlisine gatnaşdylar.
Türkmenistanyň Prezidenti Serdar Berdimuhamedow telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2023» atly XVI halkara sergisine hem-de ylmy maslahata gatnaşyjylary gutlady. Döwlet Baştutany özüniň gutlag hatynda ýöriteleşdirilen forumyň ýurdumyzyň hünärmenleri bilen daşary ýurtly hyzmatdaşlaryň tejribe alyşmagynda, geljekde giň gerimli gatnaşyklary ýola goýmakda, özara bähbitli taslamalary ara alyp maslahatlaşmakda we olary durmuşa geçirmekde uly ähmiýete eýe boljakdygyna berk ynam bildirdi. Bu barada Döwlet habarlar agentligi mälim edýär.
Türkmenistanyň Saglygy goraýyş we derman senagaty ministrligi we ÝUNISEF başlangyç saglygy goraýyş merkezleriniň lukman işgärleri üçin Çaga ösüşine gözegçilik gollanmasyny (ÇÖGG) ulanmak boýunça okuwlary dowam etdirýärler. Sentýabr aýynda başlanan we häzirki wagtda dowam etdirilýän bu maksatnama, ýurduň we Aşgabadyň ähli sebitlerinde görkeziş meýdançalarynda irki ýüze çykarmak we gatyşmak we çaga lukmançylyk hyzmatlaryny durmuşa geçirmegiň möhüm bölegi bolup durýar.
Türkmenistan Palestinanyň halkyna we ilkinji nobatda palestinaly çagalara Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan ynsanperwerlik kömegini iberdi.
Türkmenistanly mekdep okuwçylar A.S.Puşkin adyndaky Döwlet rus dili instituty we Rus dilini we edebiýatyny okatmak boýunça halkara birleşigi tarapyndan daşary ýurtly mekdep okuwçylaryň arasynda guralýan Rus dili boýunça 19-njy halkara olimpiada gatnaşyp bilerler.
